ଟିକ୍ଟକ୍ ଷ୍ଟାରଙ୍କୁ ଗୁଳି ମାରି ହତ୍ୟା କଲେ ଆତଙ୍କୀ
![ଟିକ୍ଟକ୍ ଷ୍ଟାରଙ୍କୁ ଗୁଳି ମାରି ହତ୍ୟା କଲେ ଆତଙ୍କୀ](https://odishanewslens.com/news_gallery/13610_1653507059.jpg)
ଜଣେ ୩୫ ବର୍ଷୀୟ ଜଣାଶୁଣା ଟିକଟକ ଷ୍ଟାରଙ୍କୁ ଆଜି ଗୁଳି ମାରିଛନ୍ତି ଆତଙ୍କବାଦୀ । ସମ୍ପୃକ୍ତ ମହିଳାଙ୍କ ୧୦ ବର୍ଷର ପୁତୁରା ଗୁଳିମାଡ଼ରେ ଗୁରୁତର ହୋଇଛନ୍ତି । ବୁଧବାର(ମେ ୨୫) ରାତି ୮ଟାରେ କାଶ୍ମୀର ବୁଡଗାମ ଜିଲ୍ଲା ହିସ୍ରୋ ଚନ୍ଦୁରାରେ ଏହି ଘଟଣା ଘଟିଛି। ଜାମ୍ମୁ-କାଶ୍ମୀର ପୁଲିସ ଏନେଇ ମିଡିଆକୁ ସୂଚନା ଦେଇଛନ୍ତି। ମୃତ ମହିଳା ଜଣକ ହେଉଛନ୍ତି ଅମରୀନ।
ଆତଙ୍କବାଦୀମାନେ ସମ୍ପୃକ୍ତ ମହିଳାଙ୍କ ଉପରକୁ ଆଖିବୁଜା ଗୁଳି ଚଳାଇଥିଲେ। ଗୁଳି ମାଡ଼ ପରେ ଅମରୀନଙ୍କୁ ସ୍ଥାନୀୟ ଏକ ହସପିଟାଲରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କର ମୃତ୍ୟୁ ଘଟିଛି। ଅନ୍ୟପଟେ ତାଙ୍କ ଭଣଜାଙ୍କ କାନ୍ଧରେ ଗୁଳି ବାଜିଥିବାରୁ ତାଙ୍କ ସ୍ୱାସ୍ଥ୍ୟାବସ୍ଥା ଏବେ ସ୍ଥିର ରହିଛି ବୋଲି ପୁଲିସ ସୂଚନା ଦେଇଛି। ଏହି ଘଟଣା ପରେ ପୁଲିସ ପକ୍ଷରୁ ସର୍ଚ୍ଚ ଅପରେସନ ଆରମ୍ଭ କରାଯାଇଛି। ଏହି ଘଟଣା ପାଇଁ କୌଣସି ଆତଙ୍କବାଦୀ ନିଜକୁ ଦାୟୀ କରଇନାହାନ୍ତି।
Powered by Froala Editor