୯ ଶିଶୁଙ୍କୁ ଜନ୍ମ ଦେଲେ ମହିଳା
ପଶ୍ଚିମ ଆଫ୍ରିକାର ଦେଶ ମୋରୋକୋ ମାଲିର ଜଣେ ମହିଳା ନଅ ସନ୍ତାନଙ୍କୁ ଜନ୍ମ ଦେଇଛନ୍ତି। ଏ କଥା ଆଶ୍ଚର୍ଯ୍ୟଜନକ ହୋଇଥିଲେ ବି ସତ । ସମସ୍ତ ଶିଶୁ ଏବଂ ମା ସମ୍ପୂର୍ଣ୍ଣ ସୁସ୍ଥ ଅଛନ୍ତି। ୨୫ ବର୍ଷୀୟ ହଲିମା ସିଜେଙ୍କୁ ମାର୍ଚ୍ଚ ୩୦ରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ହଲିମାଙ୍କ ଗର୍ଭରେ ୭ଟି ସନ୍ତାନ ଥିବା ଅନୁମାନ କରାଯାଉଥିଲା। କିନ୍ତୁ ନଅ ପିଲାଙ୍କୁ ସେ ଜନ୍ମ ଦେଇଛନ୍ତି ।
ମୋରୋକୋ ସ୍ବାସ୍ଥ୍ୟ ମନ୍ତ୍ରଣାଳୟର ମୁଖପାତ୍ର କହିଛନ୍ତି ଯେ, ଦେଶରେ ଏପରି ନଅ ଜଣ ଶିଶୁଙ୍କ ଜନ୍ମ ବିଷୟରେ ତାଙ୍କର କୌଣସି ସୂଚନା ନାହିଁ, କିନ୍ତୁ ମାଲିର ସ୍ବାସ୍ଥ୍ୟ ମନ୍ତ୍ରଣାଳୟ ଏକ ବିବୃତ୍ତି ଜାରି କରି କହିଛି ଯେ, ହଲିମା ସିଜରିୟାନ୍ ଦ୍ୱାରା ପାଞ୍ଚ ଶିଶୁ କନ୍ୟା ଏବଂ ୪ ପୁଅଙ୍କୁ ଜନ୍ମ ଦେଇଛନ୍ତି। ମାଲିର ସ୍ବାସ୍ଥ୍ୟମନ୍ତ୍ରୀ ଫାଣ୍ଟା ସିବି କହିଛନ୍ତି ଯେ, ଏପର୍ଯ୍ୟନ୍ତ ମା ଏବଂ ଶିଶୁ ସୁସ୍ଥ ଅଛନ୍ତି। ମହିଳା କିଛି ସପ୍ତାହ ମଧ୍ୟରେ ନିଜ ପିଲାମାନଙ୍କ ସହିତ ଘରକୁ ଫେରିବେ।
Powered by Froala Editor
