ମହାରାଷ୍ଟ୍ରରେ ମରାଠା ସମ୍ପ୍ରଦାୟଙ୍କୁ ଶିକ୍ଷା ଓ ଚାକିରି କ୍ଷେତ୍ରରେ ସଂରକ୍ଷଣକୁ ଅସାମ୍ବିଧାନିକ କହିଛନ୍ତି ସୁପ୍ରିମକୋର୍ଟ । ଏନେଇ ଗୁରୁତ୍ୱପୂର୍ଣ୍ଣ ରାୟ ଶୁଣାଇଛନ୍ତି ଜଷ୍ଟିସ ଅଶୋକ ଭୂଷଣଙ୍କ ନେତୃତ୍ୱାଧୀନ ୫ ଜଣିଆ ଖଣ୍ଡପୀଠ । ସୁପ୍ରିମକୋର୍ଟ ଅନୁସାରେ , କୋଟା ପାଇଁ ମରାଠା ସମ୍ପ୍ରଦାୟକୁ ସାମାଜିକ, ଶିକ୍ଷାଗତ ପଛୁଆ ଘୋଷଣା କରାଯାଇପାରିବ ନାହିଁ । ଏହା ୨୦୧୮ ମହାରାଷ୍ଟ୍ର ରାଜ୍ୟ ଆଇନ ଅଧିକାରକୁ ଉଲ୍ଲଂଘନ କରୁଛି । ସୂଚନାଯୋଗ୍ୟ ଯେ, ୧୯୯୨ ନିଷ୍ପତ୍ତିକୁ ନେଇ ପୁଣି ସମୀକ୍ଷା କରାଯିବ ନାହିଁ । ଯେଉଁଥିରେ ସଂରକ୍ଷଣ କୋଟା ୫୦ ପ୍ରତିଶତରେ ବନ୍ଦ ହୋଇଯାଇଥିଲା।

ସୁପ୍ରିମକୋର୍ଟ କହିଛନ୍ତି ଯେ, ମରାଠା ସଂରକ୍ଷଣ ୫୦ ପ୍ରତିଶତ ସୀମା ଉଲ୍ଲଂଘନ ଅଟେ। କୋର୍ଟର ଏହି ନିଷ୍ପତ୍ତି ଯୋଗୁଁ, ପିଜି ମେଡିକାଲ ପାଠ୍ୟକ୍ରମରେ ପ୍ରଥମେ କରାଯାଇଥିବା ଆଡମିଶନ ରହିବ, ପୂର୍ବର ହୋଇଥିବା କୌଣସି ନିଯୁକ୍ତିରେ ମଧ୍ୟ ପରିବର୍ତ୍ତନ ହେବ ନାହିଁ। ଅର୍ଥାତ୍ ପୂର୍ବରୁ ଆଡମିଶନ ଏବଂ ନିଯୁକ୍ତି ଉପରେ କୌଣସି ପ୍ରଭାବ ପଡିବ ନାହିଁ।

ସରକାରୀ ଶିକ୍ଷାନୁଷ୍ଠାନ ଓ ଚାକିରିରେ ମରାଠାଙ୍କ ପାଇଁ ସ୍ଥାନ ସଂରକ୍ଷଣ କରିଥିଲେ ମହାରାଷ୍ଟ୍ର ସରକାର । ବମ୍ବେ ହାଇକୋର୍ଟ ମରାଠା ସଂରକ୍ଷଣକୁ ବାତିଲ କରିଦେଇଥିଲେ,  ଯାହା ପରେ ସରକାର ସୁପ୍ରିମକୋର୍ଟରେ ପହଞ୍ଚିଥିଲେ। ଏବେ ନିଜ ରାୟରେ ସର୍ବୋଚ୍ଚ ଅଦାଲତ କହିଛନ୍ତି, ସଂରକ୍ଷଣ ୫୦ ପ୍ରତିଶତରୁ ଅଧିକ କରି ହେବ ନାହିଁ । ମରାଠାମାନେ ଏହି ବର୍ଗରେ ନାହାଁନ୍ତି । ଜଷ୍ଟିସ୍ ଅଶୋକ ଭୂଷଣଙ୍କ ବ୍ୟତୀତ ସୁପ୍ରିମକୋର୍ଟର ଏହି ସମ୍ବିଧାନ ବେଞ୍ଚରେ ଜଷ୍ଟିସ୍ ଏଲ୍ ନାଗେଶ୍ୱରା ରାଓ, ଜଷ୍ଟିସ୍ ଏସ୍ ଅବଦୁଲ୍ ନାଜିର, ଜଷ୍ଟିସ୍ ହେମନ୍ତ ଗୁପ୍ତା ଏବଂ ଜଷ୍ଟିସ୍ ଏସ୍ ରବିନ୍ଦ୍ର ଭଟ୍ଟ ସାମିଲ ଅଛନ୍ତି। 

Powered by Froala Editor