ICMR ଜାରି କଲା ନୂଆ ଆଡଭାଇଜରି
ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ୍ଚ (ଆଇସିଏମଆର) କୋଭିଡ-୧୯କୁ ନେଇ ନୂଆ ଆଜଭାଇଜରି ଜାରି କରିଛନ୍ତି। ଏହି ଆଜଭାଇଜରିରେ ଆରଟିପିସିଆର୍ ଟେଷ୍ଟକୁ ସର୍ବନିମ୍ନ କରିବା ଓ ରାପିଡ୍ ଆଣ୍ଟିଜେନ୍ ଟେଷ୍ଟ ବଢ଼ାଇବା କଥା କୁହାଯାଇଛି।
ପ୍ରତ୍ୟେକଦିନ ଲକ୍ଷାଧିକ ଲୋକ ସଂକ୍ରମିତ ଦେଉଛନ୍ତି। ଏଭଳି ସ୍ଥିତିରେ ଦେଶରେ ଟେଷ୍ଟିଂ ଓ ଟିକାକରଣ ମଧ୍ୟ ଜାରି ରହିଛି। ତେବେ ଥରେ ଜଣେ ଯିଏ ଆରଟିପିସିଆର ପରୀକ୍ଷଣରେ ପଜିଟିଭ ଚିହ୍ନଟ ହୋଇଛି ତାଙ୍କର ବାରମ୍ବାର ପରୀକ୍ଷଣ କରିବାର ଆବଶ୍ୟକତା ନାହିଁ ବୋଲି ମଧ୍ୟ ଆଇସିଏମଆର କହିଛନ୍ତି। ସେହିପରି ହସ୍ପିଟାଲରୁ ସୁସ୍ଥ ହୋଇ ଡିଶ୍ଚାର୍ଜ ହେଉଥିବା ରୋଗୀଙ୍କର ମଧ୍ୟ କୋଭିଡ ପରୀକ୍ଷଣର ଆବଶ୍ୟକତା ନଥିବା କହିଛନ୍ତି।
ଏହା ଛଡା ଅନ୍ତଃରାଜ୍ୟ ଯାତ୍ରା କାଳରେ କୋଭିଡ ପରୀକ୍ଷଣର ଆବଶ୍ୟକତା ନଥିବା କହିଛନ୍ତି। ଦେଶରେ କରୋନା ପରୀକ୍ଷଣ ତ୍ୱରାନ୍ୱିତ କରାଯାଇଛି। ଏଥିରେ ଅନ୍ତଃରାଜ୍ୟ ଯାତ୍ରା ଲାଗି ଲୋକେ ପରୀକ୍ଷଣ ନିମନ୍ତେ ଭିଡ କରିବା ପ୍ରୟୋଗଶାଳାମାନଙ୍କ ଉପରେ ଚାପ ସୃଷ୍ଟି କରୁଛି। ଏଣୁ ଲାବୋରେଟରୀଙ୍କ ଚାପ ହ୍ରାସ ଲାଗି ଆଇସିଏମଆର ଆଜଭାଇଜରି ଜାରି କରିଛନ୍ତି। ଲୋକଙ୍କୁ ମଧ୍ୟ ଅନାବଶ୍ୟକ ଯାତ୍ରା ନ କରିବାକୁ ଓ ଲକ୍ଷଣ ଥିଲେ ଯାତ୍ରା ନ କରିବାକୁ ପରାମର୍ଶ ଦେଇଛନ୍ତି।
Powered by Froala Editor
