ମାଇକ୍ରୋସଫ୍ଟର ପ୍ରତିଷ୍ଠାତା ବିଲ୍ ଗେଟସ୍ ଓ ତାଙ୍କ ପତ୍ନୀ ମିଲିଣ୍ଡା ଛାଡପତ୍ର ହେବା ନେଇ ନିଷ୍ପତ୍ତି ନେଇଛନ୍ତି । ବିବାହର ୨୭ ବର୍ଷ ପରେ ଉଭୟ ଛାଡପତ୍ର ନେଇ ସହମତି ପ୍ରକାଶ କରିଛନ୍ତି । ଉଭୟ ମିଳିତ ଭାବେ ବୟାନ ଜାରି କରି କହିଛନ୍ତି ଯେ, ବହୁତ ଆଲୋଚନା ଓ ସମ୍ପର୍କକୁ ନେଇ ଏକାଠି ରହିବା ପରେ ଏବେ ବିବାହ ବିଚ୍ଛେଦ କରିବା ପାଇଁ ନିଷ୍ପତ୍ତି ନେଇଛୁ । ଗତ ୨୭ ବର୍ଷରେ ସେମାନେ ୩ଜଣ ସନ୍ତାନଙ୍କୁ ବଡ କରିଛନ୍ତି । ସେମାନେ ଏକ ଫାଉଣ୍ଡେସନ୍ ମଧ୍ୟ ଗଠନ କରିଛନ୍ତି ଯାହା ସାରା ବିଶ୍ୱର ଲୋକଙ୍କ ସ୍ୱାସ୍ଥ୍ୟ ଉପରେ କାମ କରିଥାଏ । ଆଗକୁ ମଧ୍ୟ ସେମାନେ ଏପରି କାମ କରିବେ । କିନ୍ତୁ ଆଗାମୀ ଦିନରେ ସେମାନେ ଆଉ ପତି ପତ୍ନୀ ଭାବେ ରହିବାକୁ ଚାହୁଁ ନାହାଁନ୍ତି । ତେଣୁ ଜନତା ସେମାନଙ୍କ ପରିବାରକୁ କିଛି ସ୍ପେସ୍ ଓ ପ୍ରାଇଭେସୀ ଦିଅନ୍ତୁ ବୋଲି ଉଭୟ ନିବେଦନ କରିଛନ୍ତି ।

ସୂଚନାଯୋଗ୍ୟ, ୧୯୮୭ ମସିହାରେ ନ୍ୟୁୟର୍କର ଏକ୍ସପୋ-ଟ୍ରେଡ ମେଳାରେ ବିଲ୍ ଗେଟ୍ସ ଓ ମେଲିଣ୍ଡା ପ୍ରଥମେ ସାକ୍ଷାତ କରିଥିଲେ । ସେହିଠାରୁ ଦୁହିଁଙ୍କ ଭିତରେ କଥାବାର୍ତ୍ତା ଆରମ୍ଭ ହୋଇଥିଲା । ମାଇକ୍ରୋସଫ୍ଟ କାର୍ ପାର୍କିଂରେ ମେଲିଣ୍ଡାଙ୍କୁ ବିଲ୍ ଗେଟ୍ସ ବାହାରକୁ ବୁଲିଯିବା ପାଇଁ ପଚାରିଥିଲେ । ବିଲ୍ ଗେଟ୍ସ ପଚାରିଥିଲେ, 'କଣ ତୁମେ ଦୁଇ ସପ୍ତାହ ପାଇଁ ଫ୍ରି ଅଛ ?' ମେଲିଣ୍ଡା ଏହାକୁ ପ୍ରତ୍ୟାଖ୍ୟାନ କରିବା ସହ କହିଥିଲେ, 'ସମୟ ଆସିଲେ ମୋତେ ଏ ପ୍ରଶ୍ନ ପଚାର ।' ଏହା ପରେ ବି ବିଲ୍ ଗେଟ୍ସ ହାର୍ ମାନିନଥିଲେ । ଆସ୍ତେ ଆସ୍ତେ ଉଭୟଙ୍କ ମଧ୍ୟରେ କଥାବାର୍ତ୍ତ ଆଗକୁ ବଢ଼ିଥିଲା । କିଛି ମାସ ପରେ ୧୯୯୪ରେ ଉଭୟ ବିବାହ କରିଥିଲେ ।

Powered by Froala Editor