ବଡ଼ଭାଇକୁ ଶାବଳରେ ପିଟି ହତ୍ୟା କଲା ସାନଭାଇ
ପାଟଣା : କେନ୍ଦୁଝର ଜିଲ୍ଲା ଘଟଗାଁ ଥାନା ରାଇକୁଦର ଗାଁରେ ବଡ଼ଭାଇକୁ ଶାବଳରେ ପିଟି ହତ୍ୟା କଲା ସାନଭାଇ । ମୃତକ ହେଲେ ଚତୁର୍ଭୁଜ ନାଏକ । ଅଭିଯୁକ୍ତ ସାନଭାଇ କମଳ ନାଏକକୁ ଗିରଫ କରିଛି ପୋଲିସ ।
ଘରୋଇ କଳିକୁ ନେଇ ଚତୁର୍ଭୁଜ ଓ କମଳଙ୍କ ମଧ୍ୟରେ ବଚସା ହୋଇଥିଲା । ଏଥିରେ ଉତ୍ତ୍ୟକ୍ତ ହୋଇ ସାନଭାଇ କମଳ ବଡ଼ଭାଇ ଚତୁର୍ଭୁଜଙ୍କ ମୁଣ୍ଡକୁ ଏକ ଶାବଳରେ ପ୍ରହାର କରିଥିଲା । ଏଥିରେ ଚତୁର୍ଭୁଜ ଗୁରୁତର ହୋଇଥିଲେ। ଗୁରୁତର ଅବସ୍ଥାରେ ଚତୁର୍ଭୁଜଙ୍କୁ ପ୍ରଥମେ ପାଟଣା ଡାକ୍ତରଖାନାରେ ଭର୍ତ୍ତି କରାଯାଇଥିଲା। ସେଠାରୁ ଜିଲ୍ଲା ମୁଖ୍ୟ ଚିକିତ୍ସାଳୟ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ଚତୁର୍ଭୁଜଙ୍କ ମୃତ୍ୟୁ ଘଟିଥିଲା। ପୋଲିସ ମୃତଦେହ ଜବତ କରି ବ୍ୟବଛେଦ ପାଇଁ ପଠାଇଛି। ଏଥିସହ କମଳଙ୍କୁ ଗିରଫ କରିଛି।
Powered by Froala Editor
