ବୁଧବାର ମନି ଲଣ୍ଡରିଂ ମାମଲାରେ ଇଡି ହାତରେ ଗିରଫ ହୋଇଥିବା ଏନ୍‌ସିପି ନେତା ତଥା ମହାରାଷ୍ଟ୍ର ମନ୍ତ୍ରୀ ନଓ୍ଵାବ ମଲିକ ହଠାତ୍‌ ଅସୁସ୍ଥ ହୋଇପଡ଼ିଛନ୍ତି। ସ୍ୱାସ୍ଥ୍ୟଗତ ସମସ୍ୟା ଯୋଗୁ ତାଙ୍କୁ ମୁମ୍ବାଇର ଜେଜେ ହସପିଟାଲରେ ଭର୍ତ୍ତି କରାଯାଇଛି ବୋଲି ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ପକ୍ଷରୁ ଗଣମାଧ୍ୟମକୁ ସୂଚନା ଦିଆଯାଇଛି। ତେବେ ମେଡିକାଲରେ ତାଙ୍କ ସ୍ୱାସ୍ଥ୍ୟ ସମ୍ପର୍କିତ ସରକାରୀ ଭାବେ କୌଣସି ସୂଚନା ଦିଆଯାଇ ନାହିଁ। ନବାବଙ୍କ ଝିଅ ସାନା ଖାନ୍‌ ଏନେଇ ଦଳୀୟ କର୍ମୀଙ୍କୁ ଅବଗତ କରିଛନ୍ତି।

ନଓ୍ଵାବ ମଲିକଙ୍କ ଝିଅ ସାନା ଖାନ ଦଳୀୟ କର୍ମୀମାନଙ୍କୁ ସୂଚନା ଦେଇଛନ୍ତି ଯେ ତାଙ୍କ ପିତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଛି। ସେ କହିଛନ୍ତି ଯେ ତାଙ୍କ ପିତା ମଲିକ ପେଟ ଯନ୍ତ୍ରଣାରେ ପୀଡିତ ଥିଲେ। ଏନସିପି ନେତାଙ୍କ କାର୍ଯ୍ୟାଳୟ ମଧ୍ୟ ଟ୍ଵିଟ୍‌ କରି କହିଛି ଯେ ଜେଜେ ଡାକ୍ତରଖାନାରେ ଏବେ ମନ୍ତ୍ରୀ ମଲିକଙ୍କ ଚିକିତ୍ସା ଚାଲିଛି।

ଆତଙ୍କବାସୀ ଦାଉଦ୍ ଇବ୍ରାହିମ ଏବଂ ଅଣ୍ଡରୱାଲଡ୍‌ଙ୍କ ସହ ବେଆଇନ ଜମି କାରବାର ଅଭିଯୋଗରେ ନିବାବଙ୍କୁ ଇଡି ଗିରଫ କରିଥିଲା। ତାଙ୍କୁ ମାର୍ଚ୍ଚ ୩ ପର୍ଯ୍ୟନ୍ତ ନିଜ ହେପାଜତକୁ ନେଇଛି ଇଡି। ତେବେ ଶୁକ୍ରବାର ସକାଳେ ତାଙ୍କୁ ରୁଟିନ୍‌ ଚେକ୍‌ଅପ ପାଇଁ ଇଡି ମେଡିକାଲକୁ ନେଇଥିଲା। କିନ୍ତୁ ତାଙ୍କୁ ମେଡିକାଲରେ ବେଡ୍‌ ଆଡମିଟ୍ ପାଇଁ ଡାକ୍ତର ପରାମର୍ଶ ଦେଇଥିଲେ।

Powered by Froala Editor