କରୋନା ପାଇଁ ଆଇପିଏଲ ଛାଡ଼ିଲେ ଏହି ଅମ୍ପାୟାର
ନୂଆଦିଲ୍ଲୀ: ଦେଶରେ କରୋନା ସଂକ୍ରମଣ ସ୍ଥିତି ଅତି ଭୟଙ୍କର ରୂପ ଧାରଣ କରିଛି । ସଂକ୍ରମଣ ଭୟରେ ପୂର୍ବରୁ ୪ ଜଣ ବିଦେଶୀ ଖେଳାଳି ଆଇପିଏଲ ଛାଡ଼ି ସ୍ୱଦେଶ ବାହୁଡ଼ି ଯାଉଛନ୍ତି । ସେମିତି ଷ୍ଟାର ସ୍ପିନର ଆର.ଅଶ୍ୱିନ ଏଭଳି ସମୟରେ ପରିବାର ଲୋକଙ୍କୁ ସମୟ ଦେବାର ବେଳ କହି ଦିଲ୍ଲୀ କ୍ୟାପିଟାଲସ ଛାଡ଼ି ଘରକୁ ଫେରିଛନ୍ତି । ଅମ୍ପାୟାର ନୀତିନ ମେନନ ମଧ୍ୟ ଆଇପିଏଲରୁ ଓହରି ଯାଇଛନ୍ତି । ତାଙ୍କ ପରିବାରରେ ଦୁଇରୁ ଅଧିକ ଲୋକ କରୋନାରେ ଆକ୍ରାନ୍ତ ହୋଇସାରିଛନ୍ତି । ବିସିସିଆଇ ପକ୍ଷରୁ କୁହାଯାଇଛି ଯେ, ନୀତି ପରିବାର ଲୋକ କରୋନା ସଂକ୍ରମିତ ରହିଛନ୍ତି । ତାଙ୍କ ମାନସିକ ଅବସ୍ଥା ଆଦୌ ଠିକ ନାହିଁ । ତେଣୁ ସେ ଆଇପିଏଲ ଛାଡି ଘରକୁ ଫେରି ଯାଇଛନ୍ତି । ମେନନଙ୍କ ପତ୍ନୀ ଓ ମାଆ ସଂକ୍ରମିତ ହୋଇଛନ୍ତି । ସେ ଏକମାତ୍ର ଭାରତୀୟ ଅମ୍ପାୟାର ଭାବେ ‘ଆଇସିସି ଏଲିଟ ପ୍ୟାନେଲ ଅଫ ଅମ୍ପାୟାର ଭାବେ ସାମିଲ ରହିଛନ୍ତି । ସେମିତି ଅଷ୍ଟ୍ରେଲିଆରୁ ଏବେ ଭାରତକୁ ସିଧାସଳଖ ବିମାନ ଚଳାଚଳ ବନ୍ଦ ରହିଛି । ତେଣୁ ଅମ୍ପାୟାର ପଇ ରିଫେଲ ସ୍ୱଦେଶ ଫେରି ପାରୁନାହାନ୍ତି । କିନ୍ତୁ ସେ ପ୍ରୟାସ ଜାରି ରଖିଥିବା କହିଛନ୍ତି ।
Powered by Froala Editor
