ସ୍ବତନ୍ତ୍ର ସେନାନୀ ସୁପର୍ଫାଷ୍ଟ୍ ଏକ୍ସପ୍ରେସ୍ ରେ ନିଆଁ
ବିହାରର ମଧୁବନୀ ରେଳ ଷ୍ଟେସନରେ ଭୟଙ୍କର ଅଗ୍ନିକାଣ୍ଡ ଘଟିଛି । ଟ୍ରେନ୍ ବଗି ଖାଲିଥିବାରୁ କେହି ମୃତାହତ ହୋଇନାହାନ୍ତି । ତେବେ ବହୁ କ୍ଷତି ଘଟିଥିବା ପୂର୍ବ କେନ୍ଦ୍ରୀୟ ରେଳବାଇର (ଇସିଆର୍) ମୁଖ୍ୟ ଲୋକସମ୍ପର୍କ ଅଧିକାରୀ କହିଛନ୍ତି।
ନିଆଁ ଲାଗିବାର କାରଣ ଏପର୍ଯ୍ୟନ୍ତ ଜଣାପଡ଼ିନାହିଁ। ଏହି ଘଟଣାର ଉଚ୍ଚସ୍ତରୀୟ ତଦନ୍ତ କରାଯିବ ବୋଲି ‘ଇସିଆର୍’ କହିଛି। ୫ଟି ବଗି ନିଆଁରେ ଜଳିଯାଇଛି ବୋଲି ପୂର୍ବରୁ ରିପୋର୍ଟ କରାଯାଇଥିଲା। କିନ୍ତୁ, ମାତ୍ର ଗୋଟିଏ ବଗି ପୋଡ଼ିଯାଇଥିବା କଥା ରେଳବାଇ କହିଛି।
ସୂଚନା ଅନୁସାରେ,ଦିଲ୍ଲୀରୁ ଆସି ମଧୁବନୀ ଷ୍ଟେସନ୍ ୩ ନମ୍ବର ପ୍ଲାଟ୍ଫର୍ମରେ ଠିଆ ହୋଇଥିବା ‘ସ୍ବତନ୍ତ୍ର ସେନାନୀ ସୁପର୍ଫାଷ୍ଟ୍ ଏକ୍ସପ୍ରେସ୍’ରେ ସକାଳ ପ୍ରାୟ ୯:୫୦ରେ ବେଳେ ହଠାତ୍ ନିଆଁ ଜଳିଉଠିଥିଲା। ଖବର ପାଇବା କ୍ଷଣି ଷ୍ଟେସନ୍ କର୍ମଚାରୀ, ସ୍ଥାନୀୟ ପୁଲିସ ଓ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବାକୁ ଉଦ୍ୟମ କରିଥିଲେ।
Powered by Froala Editor
