କର୍କଟ ରୋଗରେ ଜଣାଶୁଣା ସାମ୍ବାଦିକ ରବିଶ ତିୱାରୀଙ୍କ ପରଲୋକ
ଜଣାଶୁଣା ସାମ୍ବାଦିକ ରବିଶ ତିୱାରୀଙ୍କର ପରଲୋକ ଘଟିଛି। ମୃତ୍ୟୁ ବେଳକୁ ତାଙ୍କୁ ୪୦ ବର୍ଷ ହୋଇଥିଲା। ୨୦୨୦ରୁ ସେ କର୍କଟ ରୋଗରେ ଆକ୍ରାନ୍ତ ହୋଇଥିଲେ। ରବିଶଙ୍କ ବିୟୋଗରେ ପ୍ରଧାନମନ୍ତ୍ରୀ, ଗୃହମନ୍ତ୍ରୀ, ମୁଖ୍ୟମନ୍ତ୍ରୀଙ୍କ ସମେତ ବହୁ ମାନ୍ୟଗଣ୍ୟ ବ୍ୟକ୍ତି ଶୋକ ପ୍ରକାଶ କରିଛନ୍ତି ।
ରବିଶ ତିୱାରୀ ବିଭିନ୍ନ ଜାତୀୟ ଗଣମାଧ୍ୟମରେ କାମ କରିଥିଲେ । ଇଣ୍ଡିଆ ଟୁଡେ, ଇକୋନମିକ ଟାଇମସରେ କାମ କରି ନିଜର ଦକ୍ଷତା ଦେଖାଇଥିଲେ । ଆଇଆଇଟି ବମ୍ବେରୁ ଇଞ୍ଜିନିୟରିଂରେ ଗ୍ରାଜୁଏଟ୍ ଡିଗ୍ରୀ ହାସଲ କରିବା ସହ ଅକ୍ସଫୋର୍ଡ଼ ୟୁନିଭର୍ସଟି ମଧ୍ୟ କମ୍ପାଏରଟିଭ୍ ସୋସିଆଲ ସାଇନ୍ସ ବିଷୟରେ ଅଧ୍ୟୟନ କରିଥିଲେ ରବିଶ । ରବିଶ ତାଙ୍କ ସାମ୍ବାଦିକତା ସମୟରେ ବେଶ ସକ୍ରିୟ ଥିଲେ । ରାଜନୈତିକ ଠାରୁ ଆରମ୍ଭ କରି ବିଭିନ୍ନ ପ୍ରସଙ୍ଗରେ ବେଶ ଭଲ ସାମ୍ବାଦିକତା କରୁଥିଲେ । ସାମ୍ବାଦିକତା କ୍ଷେତ୍ରରେ ବିଶେଷ ଅବଦାନ ପାଇଁ ସେ ସମ୍ମାନଜନକ ପୁରସ୍କାର ‘ରୋହଦେଶ ସ୍କଲାରର୍ସିପ’ରେ ସମ୍ମାନିତ ହୋଇଛନ୍ତି।
Powered by Froala Editor
