ଅନ୍ୟ ଗ୍ରାହକଙ୍କ ଅସୁବିଧା ହେବ ବୋଲି ଜଣେ ଦିବ୍ୟାଙ୍ଗ ଯୁବତୀଙ୍କୁ ରେସ୍ତୋରାଁ ଭିତରକୁୁ ଯିବା ପାଇଁ ଅନୁମତି ମିଳିଲା ନାହିଁ । ଯାହାକୁ ନେଇ ସୋସିଆଲ ମିଡିଆରେ ବହୁ ପ୍ରତିକ୍ରିୟା ଦେଖିବାକୁ ମିଳିଛି ।

ଦିବ୍ୟାଙ୍ଗ ଯୁବତୀ ହେଲେ ସ୍ରିଷ୍ଟି ପାଣ୍ଡେ । ସ୍ରିଷ୍ଟି ଏନେଇ ଟ୍ୱିଟରରେ କହିଛନ୍ତି ଯେ, ସେ ନିଜର ସବୁଠାରୁ ଭଲ ସାଙ୍ଗ ଓ ପରିବାର ସହିତ ଗତ ଶୁକ୍ରବାର ରେସ୍ତୋରାଁ ଯାଇଥିଲେ। କିନ୍ତୁ ରେସ୍ତୋରାଁର ଫ୍ରଣ୍ଟ ଡେସ୍କର କର୍ମଚାରୀମାନେ କହିଥିଲେ କି ହ୍ୱିଲ ଚେୟାର ଭିତରକୁ ଯିବ ନାହିଁ। ‘ବହୁ ବିତର୍କ ପରେ ମୋତେ ବାହାରେ ବସିବାକୁ କୁହାଯାଇଥିଲା। ବାହାରେ ବସିବା ହାସ୍ୟାସ୍ପଦ ଥିଲା। ପ୍ରବଳ ଥଣ୍ଡା ବି ହେଉଥିଲା। ତେଣୁ ଅଧିକ ସମୟ ଶୀତରେ ବସିବା ସମ୍ଭବ ନଥିଲା। ଏହି ଘଟଣା ମୋତେ ବହୁତ ଆଘାତ ଦେଇଛି।’

ଗୁରୁଗ୍ରାମର ଡିଏଲଏଫ ସାଇବର ହବରେ ଅବସ୍ଥିତ ରେସ୍ତୋରାଁ ମ୍ୟାନେଜମେଣ୍ଟ ‘ରାସ୍ତା’ ଏହି ଘଟଣା ପାଇଁ କ୍ଷମା ମାଗିଛି । ରେସ୍ତୋରାଁ ‘ରାସ୍ତା’ର ପ୍ରତିଷ୍ଠାତା ଗୌତମେଶ ସିଂ ପୀଡିତାଙ୍କ ପୋଷ୍ଟର ଉତ୍ତରରେ କହିଛନ୍ତି, “ମୁଁ ବ୍ୟକ୍ତିଗତ ଭାବରେ ଏହି ଘଟଣାକୁ ନେଇ ଦୁଃଖ ବ୍ୟକ୍ତ କରୁଛି। ସମଗ୍ର ଦଳ ତରଫରୁ ମୁଁ ଏଥିପାଇଁ କ୍ଷମା ମାଗୁଛି। ଯଦି ଆମର କୌଣସି ସଦସ୍ୟ ଏହି ଘଟଣାରରେ ଦୋଷୀ ହୁଅନ୍ତି, ତାଙ୍କ ବିରୋଧରେ ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।

Powered by Froala Editor