ଘୋଷଣା କଲା IRCTC : ୧୪ରୁ ପୁଣି ଆରମ୍ଭ ହେବ କ୍ୟାଟରିଂ
କରୋନା ସଂକ୍ରମଣ କମୁଥିବାବେଳେ ବଡ ଘୋଷଣା କରିଛି ଭାରତୀୟ ରେଳବାଇ କ୍ୟାଟରିଂ ଓ ପର୍ଯ୍ୟଟନ ନିଗମ ବା IRCTC। ଆସନ୍ତା ୧୪ ତାରିଖରୁ ପୁୁଣି ଥରେ ଟ୍ରେନ୍ରେ କ୍ୟାଟରିଂ ସେବା ଆରମ୍ଭ ହେବ ବୋଲି ନିଷ୍ପତ୍ତି ହୋଇଛି । ତେବେ କୋଭିଡ-୧୯ର ସମସ୍ତ ନିରାପତ୍ତା ଗାଇଡଲାଇନ ଅନୁସାରେ ଏହି ସେବା ଚାଲିବ । IRCTCର ସମସ୍ତ କର୍ମଚାରୀଙ୍କ ଲାଗି ମଧ୍ୟ ଗାଇଡଲାଇନ ଜାରି କରାଯାଇଛି । ମାସ୍କ ପିନ୍ଧିବା, ସାମାଜିକ ଦୂରତା ରକ୍ଷା କରିବା ଓ ପରିଷ୍କାର ପରିଚ୍ଛନ୍ନତା ବଜାୟ ରଖିବାକୁ ଗାଇଡଲାଇନରେ ଜାରି କରାଯାଇଛି ।
କୋଭିଡ-୧୯ ଆରମ୍ଭ ପରଠାରୁ ଅର୍ଥାତ ମାର୍ଚ୍ଚ ୨୦୨୦ରୁ ଟ୍ରେନରେ କ୍ୟାଟରିଂ ସେବା ସମ୍ପୂର୍ଣ୍ଣ ବନ୍ଦ ରହିଥିଲା । ତେବେ ଗତବର୍ଷ ଡିସେମ୍ବରରେ କେବଳ ରାଜଧାନୀ, ଶତାବ୍ଦୀ ଓ ଦୂରନ୍ତ ଟ୍ରେନରେ ଆରମ୍ଭ ହୋଇଥିଲା ଏହି ସେବା । କରୋନା ସଂକ୍ରମଣ ହ୍ରାସକୁ ନେଇ ପୁଣି ଥରେ ଏହି ସେବା ଆରମ୍ଭ କରିବାକୁ ଚିନ୍ତା କରି ଘୋଷଣା କରିଛିି IRCTC।
Powered by Froala Editor
