ବଜାଜ୍ ଗ୍ରୁପ୍ର ପୂର୍ବତନ ଅଧ୍ୟକ୍ଷ ରାହୁଲ ବଜାଜଙ୍କ ପରଲୋକ
ଦେଶର ବିଶିଷ୍ଟ ଶିଳ୍ପପତି ତଥା ବଜାଜ୍ ଗ୍ରୁପ୍ର ପୂର୍ବତନ ଅଧ୍ୟକ୍ଷ ରାହୁଲ ବଜାଜଙ୍କ ପରଲୋକ ହୋଇଯାଇଛି। ୫୦ ବର୍ଷ ଧରି ସେ ବଜାଜ୍ ଗ୍ରୁପ୍କୁ ଚଳାଇ ଆସୁଥିଲେ । ଦୀର୍ଘଦିନ ହେବ ସେ କ୍ୟାନ୍ସର ରୋଗରେ ପୀଡ଼ିତ ଥିଲେ । ଶନିବାର ଅପରାହ୍ଣ ୨ଟା ୩୦ରେ ସେ ଶେଷ ନିଃଶ୍ୱାସ ତ୍ୟାଗ କରିଛନ୍ତି। ମୃତ୍ୟୁ ବେଳକୁ ତାଙ୍କୁ ୮୩ ବର୍ଷ ହୋଇଥିଲା। ବାଜାଜ୍ ଗ୍ରୁପ୍ ପକ୍ଷରୁ ଏହି ସୂଚନା ଦିଆଯାଇଛି। ତାଙ୍କ ଶେଷକୃତ୍ୟ ଆସନ୍ତାକାଲି ସଂପନ୍ନ କରାଯିବ।
୧୯୩୮ ମସିହା ଜୁନ୍ ୧୦ ତାରିଖରେ ରାହୁଲ୍ ବଜାଜ୍ ଜନ୍ମ ଗ୍ରହଣ କରିଥିଲେ । ୪୦ ବର୍ଷ ଧରି ସେ ବଜାଜ୍ ଗ୍ରୁପ୍ର ଅଧ୍ୟକ୍ଷ ପଦ ସମ୍ଭାଳି ଥିଲେ । ବାଜାଜ୍ ଅଟୋର ଚେୟାର ମ୍ୟାନ୍ ପଦରୁ ସେ ଗତ ବର୍ଷ ଏପ୍ରିଲ୍ ମାସରେ ଅବସର ନେଇଥିଲେ । ତାଙ୍କ କମ୍ପାନୀର ଟ୍ୟାଗ୍ ଲାଇନ୍ ‘ୟୁ ଜଷ୍ଟ କାଣ୍ଟ୍ ବିଟ୍ ଏ ବାଜାଜ’ ବେଶ୍ ଲୋକପ୍ରିୟ ହୋଇପାରିଥିଲା। ସେହିପରି ଦୁଇ ଚକିଆ ଯାନ ପାଇଁ ତାଙ୍କର ଆଉ ଏକ ଚର୍ଚ୍ଚିତ ଟ୍ୟାଗ ଲାଇନ୍ ‘ହମାରା ବଜାଜ୍’ ମଧ୍ୟ ଉପଭୋକ୍ତାଙ୍କ ହୃଦୟକୁ ଛୁଇଁ ପାରିଥିଲା।
ତାଙ୍କୁ ୨୦୦୧ରେ ଦେଶର ତୃତୀୟ ସର୍ବୋଚ୍ଚ ବେସାମରିକ ସମ୍ମାନ ‘ପଦ୍ମଭୂଷଣ’ରେ ସମ୍ମାନିତ କରାଯାଇଥିଲା। ସେ ରାଜ୍ୟସଭା ସାଂସଦ ଭାବେ ମଧ୍ୟ କାର୍ଯ୍ୟ କରିଥିଲେ।
Powered by Froala Editor
