ବିଦେଶ ଫେରନ୍ତାଙ୍କ ଲାଗି ନୂଆ କରୋନା ଗାଇଡଲାଇନ୍
ନୂଆଦିଲ୍ଲୀ: ଦେଶରେ କୋଭିଡ୍ ସଂକ୍ରମଣ ମାମଲା ଖସୁଥିବା ବେଳେ ଗୁରୁବାର କେନ୍ଦ୍ର ସରକାର ନୂଆ ଗାଇଡଲାଇନ୍ ଜାରି କରିଛନ୍ତି । ବିଦେଶ ଫେରନ୍ତାଙ୍କ ଲାଗି ଜାରି ନୂଆ ଗାଇଡଲାଇନରେ ୭ ଦିନିଆ ବାଧ୍ୟତାମୂଳକ କ୍ୱାରେଣ୍ଟାଇନକୁ ହଟାଇ ଦିଆଯାଇଛି । ଏହି ନୂଆ ନିୟମ ଫେବ୍ରୁଆରୀ ୧୪ ତାରିଖରୁ ଲାଗୁ ହେବ ।
ନୂଆ ଗାଇଡଲାଇନ୍ ଅନୁସାରେ, କେହି ବିଦେଶରୁ ଆସିଲେ ୧୪ ଦିନ ଯାଏ ନିଜେ ନିଜ ସ୍ୱାସ୍ଥ୍ୟ ଉପରେ ନଜର ରଖିବେ । କୋଭିଡର କୌଣସି ଲକ୍ଷଣ ଦେଖାଗଲେ ନିଜକୁ ଆଇସୋଲେଟ୍ କରିବେ । ଏଥିସହ ପୂର୍ବରୁ ଓମିକ୍ରନ୍ ବିପଦକୁ ଦେଖି ବିଭିନ୍ନ ଦେଶ ପାଇଁ ସରକାର ଜାରି କରିଥିବା ଆଟ ରିସ୍କ ଟ୍ୟାଗକୁ ମଧ୍ୟ ହଟାଇ ଦିଆଯାଇଛି ।
ଏଥିସହ ୮୨ଟି ଦେଶରୁ ଆସୁଥିବା ଯାତ୍ରୀ ଯାତ୍ରାର ୭୨ ଘଣ୍ଟା ମଧ୍ୟରେ କୋଭିଡ୍ ଆରଟିପିସିଆର୍ ନେଗେଟିଭ୍ ପ୍ରମାଣପତ୍ର ସହ ୨ ଡୋଜ୍ ଟିକା ନେଇଥିବା ସାର୍ଟିଫିକେଟ୍ ଅପଲୋଡ୍ କରିବେ । ଗତ ୨୪ ଘଣ୍ଟାରେ ଦେଶରେ ୬୭ ହଜାର ୮୪ ଜଣ କୋଭିଡ୍ ସଂକ୍ରମିତ ଚିହ୍ନଟ ହୋଇଥିବା ବେଳେ ୧୨୪୧ ଜଣଙ୍କ ଜୀବନ ନେଇଛି କରୋନା ।
Powered by Froala Editor
