୩ ମାସରେ ୫୦୦ ମେଡିକାଲ ଅକ୍ସିଜେନ ପ୍ଲାଣ୍ଟ କରିବ ଡିଆରଡିଓ
ନୂଆଦିଲ୍ଲୀ : ପ୍ରତିରକ୍ଷା ଗବେଷଣା ଓ ବିକାଶ ପ୍ରତିଷ୍ଠାନ (ଡିଆରଡିଓ) ସାରା ଦେଶରେ ଆଗାମୀ ୩ ମାସ ମଧ୍ୟରେ ୫୦୦ ମେଡିକାଲ ଅକ୍ସିଜେନ ପ୍ଲାଣ୍ଟ ସ୍ଥାପନ କରିବ । ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ବୁଧବାର ଏହା ପ୍ରକାଶ କରିଛନ୍ତି । ଏଥିପାଇଁ ପିଏମ କେୟାର୍ସ ଫଣ୍ଡରୁ ଟଙ୍କା ଯୋଗାଇ ଦିଆଯିବ । ଏ ସମ୍ପର୍କରେ ଟ୍ୱିଟ କରି ରାଜନାଥ ଲେଖିଛନ୍ତି, ଡିଆରଡିଓ ଦ୍ୱାରା ବିକଶିତ ହୋଇଥିବା ମେଡିକାଲ ଅକ୍ସିଜେନ ପ୍ଲାଣ୍ଟ ଟେକ୍ନୋଲୋଜି ଯାହାକି ତେଜସରେ ଅନବୋର୍ଡ ଅକ୍ସିଜେନ ଜେନେରେସନର କାମ କରିଥାଏ, ବର୍ତ୍ତମାନ ତାହା କରୋନା ରୋଗୀ ପାଇଁ ଅକ୍ସିଜେନ ସଙ୍କଟରେ ମୁକାବିଲା କରିବା ଦିଗରେ କାମରେ ଆସିବ ।
Powered by Froala Editor
