ପୋଲିସର କାର୍ଯ୍ୟବ୍ୟବସ୍ଥା ଉପରେ ପ୍ରଶ୍ନ ଉଠାଇଛନ୍ତି ଖୋଦ୍ ପୋଲିସର ଜଣେ ଅବସରପ୍ରାପ୍ତ ପୋଲିସ ଅଧିକାରୀ ।  ସେ ହେଉଛନ୍ତି କେରଳର ପ୍ରଥମ ମହିଳା ଡିଜି ଆର ଶ୍ରୀଲେଖା । ଆର ଶ୍ରୀଲେଖା ଗତବର୍ଷ ଡିସେମ୍ବରରେ ଅବସର ଗ୍ରହଣ କରିଥିଲେ । 

କିନ୍ତୁ ତା ପୂର୍ବରୁ ଆର ଶ୍ରୀଲେଖା ଅନେକ ଅଭିଯୋଗ କରିଥିଲେ। କିନ୍ତୁ କେହି ଶୁଣି ନଥିଲେ । ଜାଣିଶୁଣି ଅଟକାଇ ରଖିଥିଲେ । ସେ କରିଥିବା ଅଭିଯୋଗ ସବୁକୁ ଏବେ ସୋସିଆଲ ମିଡିଆ ସାହାଯ୍ୟରେ ସମସ୍ତଙ୍କ ସାମ୍ନାରେ ରଖିଛନ୍ତି । ନିଜ ସହ ଘଟିଥିବା କିଛି ଘଟଣା ବାବଦରେ ସେ କହିଛନ୍ତି ଯେ, ସେ ଏକ ଅନଲଇନ୍ କମ୍ପାନୀ ଦ୍ୱାରା ଠକାମିର ଶିକାର ହୋଇଥିଲେ । ଏପ୍ରିଲ ୬ ତାରିଖରେ ସେ ବ୍ଲୁଟୁଥ୍ ଇଅର୍ ଫୋନ୍ ପାଇଁ ଅନଲାଇନ୍ ସପିଂ କରିଥିଲେ । ୧୪ ତାରିଖରେ ତାଙ୍କୁ ଇଅର୍ ଫୋନ୍ ମିଳିଥିଲା । ତେବେ ଏହା ଛିଣ୍ଡି ଯାଇଥିଲା । ଏନେଇ ସେ ଅଭିଯୋଗ କରିଥିଲେ ବି କମ୍ପାନୀ ନୂଆ ଇଅର ଫୋନ୍ ଦେବାକୁ ମନା କରିଥିଲା । ଏହାପରେ ସେ ତୁରନ୍ତ ମ୍ୟୁଜିୟମ ପୋଲିସରେ ଅଭିଯୋଗ କରିଥିଲେ । ତାଙ୍କୁ ଥାନାରୁ ଫୋନ୍ ଆସିଥିଲା । ସେ ଇ-ମେଲ୍ ଯୋଗେ ସମସ୍ତ ତଥ୍ୟ ଦେଇଥିଲେ । କିନ୍ତୁ ଆଜିଯାଏଁ ପୋଲିସ କୌଣସି କାର୍ଯ୍ୟାନୁଷ୍ଠାନ ନେଇନାହିଁ ବୋଲି ସେ କହିଛନ୍ତି । ତେଣୁ ସେ ପୁରା ପୋଲିସ ବ୍ୟବସ୍ଥା ଉପରେ ପ୍ରଶ୍ନ କରିଛନ୍ତି ।

Powered by Froala Editor