ଭାରତ ବାୟୋଟେକ୍ ଦ୍ଵାରା ନାଜାଲ ବୁଷ୍ଟର ଡୋଜ୍ ଟ୍ରାଏଲକୁ ଡ୍ରଗ୍ସ କଣ୍ଟ୍ରୋଲର ଜେନେରାଲ ଅଫ ଇଣ୍ଡିଆ(DCGI ) ମଞ୍ଜୁରୀ ଦେଇଛି। ଏହି ପ୍ରକ୍ରିୟାରେ ୯୦୦ରୁ ଅଧିକ ବିଷୟରେ ଗବେଷଣା ଲାଗି ଭାରତ ବାୟୋଟେକକୁ ଅନୁମତି ଦେଇଛନ୍ତି DCGI । DCGIର ବିଷୟଗତ ବିଶେଷଜ୍ଞ କମିଟି ବା ଏସଇସି ଏହି ଡୋଜର ଫେଜ-୩ ଟ୍ରାଏଲ ଲାଗି ଭାରତ ବାୟୋଟେକକୁ ଏହି ଅନୁମତି ଦେଇଛନ୍ତି । ଯଦି ଏହି ଟିକାର ଟ୍ରାଏଲ ସଫଳତା ଲାଭ କରେ ତେବେ ଏହା ଦେଶର ପ୍ରଥମ ନାଜାଲ ଭ୍ୟାକ୍ସିନ ହେବ ।

ଡିସେମ୍ବରରେ ଭାରତ ବାୟୋଟେକ୍ କୋଭିଡ୍ ଟିକାର ବୁଷ୍ଟର ଡୋଜ୍‌ର ଫେଜ-୩ ଟ୍ରାଏଲ ଲାଗି ଆବେଦନ କରିଥିଲା। ଭାରତ ସରକାରଙ୍କ ସ୍ଵାସ୍ଥ୍ୟ ସେବା ମହାନିର୍ଦ୍ଦେଶଳୟ ଅନୁଯାୟୀ, ୯ଟି ସ୍ଥାନରେ ଏହି ଭ୍ୟାକ୍ସିନର ଫେଜ-୩ ଟ୍ରାଏଲ କରାଯିବ। ଏହି ଟିକା ପ୍ରଥମ ନାଜାଲ ଟିକା, ଯାହାକୁ ତୃତୀୟ ପର୍ଯ୍ୟାୟ ପରୀକ୍ଷଣ ପାଇଁ ମଞ୍ଜୁରୀ ମିଳିଛି।

ଭାରତ ବାୟୋଟେକ୍ ମତରେ ଭ୍ୟାକ୍ସିନର ଡବଲ୍ ଡୋଜ୍ ନେଇ ସାରିଥିବା ଅଢେଇ ହଜାର ଲୋକଙ୍କ ଠାରେ ଏହି ଭ୍ୟାକ୍ସିନର କ୍ଲିନିକଲ ଟ୍ରାଏଲ କରାଯିବ। ବିଶେଷଜ୍ଞଙ୍କ ଅନୁଯାୟୀ, ଦେଶରେ ଓମିକ୍ରନ ଭାରିଆଣ୍ଟ ମଧ୍ୟରେ ଏହି ଟିକା ବେଶ୍ ଫଳପ୍ରଦ ରହିପାରେ। କିଛି ରିପୋର୍ଟରେ ଦର୍ଶାଯାଇଛି ଯେ, ନାକରୁ ଦିଆଯିବାକୁ ଥିବା ଟିକା ଓମିକ୍ରନ ଭାରିଆଣ୍ଟରୁ ସୁରକ୍ଷା ଦେଇ ପାରିବ।

Powered by Froala Editor