୨୩ରୁ ପାଳନ ହେବ ଗଣତନ୍ତ୍ର ଦିବସ ଉତ୍ସବ
ଏଣିକି ପ୍ରତିବର୍ଷ ଜାନୁଆରୀ ୨୩ ତାରିଖରୁ ଦେଶରେ ସାଧାରଣତନ୍ତ୍ର ଦିବସ ପାଳନ ହେବ । କେନ୍ଦ୍ର ସରକାର ଏପରି ନିଷ୍ପତ୍ତି ନେଇଥିବା ଜାତୀୟ ଗଣମାଧ୍ୟମରେ ଖବର ପ୍ରକାଶ ପାଇଛି। ସାଧାରଣତନ୍ତ୍ର ଦିବସ ସହ କେନ୍ଦ୍ର ସରକାର ସୁଭାଷ ଚନ୍ଦ୍ର ବୋଷ ଜୟନ୍ତୀକୁ ସାମିଲ କରିଛନ୍ତି। ଏଥିପାଇଁ ୨୩ ତାରିଖରୁ ହିଁ ଗଣତନ୍ତ୍ର ଦିବସ ପାଇଁ ଉତ୍ସବ ପାଳନ ହେବ। ପୂର୍ବରୁ କେନ୍ଦ୍ର ସରକାର ସୁଭାଷ ଚନ୍ଦ୍ର ବୋଷଙ୍କ ଜନ୍ମଦିନକୁ ପରାକ୍ରମ ଦିବସ ଭାବେ ପାଳନ କରାଯିବ ବୋଲି ଘୋଷଣା କରିଥିଲେ। ଏବେ ଗଣତନ୍ତ୍ର ଦିବସ ଉତ୍ସବ ସହ ନେତାଜୀ ଜୟନ୍ତୀକୁ ପାଳନ କରି ଆଉ ଏକ ବଡ଼ ପଦକ୍ଷେପ ନେଇଛନ୍ତି।
ସରକାରଙ୍କ ପକ୍ଷରୁ ଅଗଷ୍ଟ ୧୪କୁ ବିଭାଜନ ଆତଙ୍କ ସ୍ମରଣ ଦିବସ, ଅକ୍ଟୋବର ୩୧ ଜାତୀୟ ଏକତା ଦିବସ (ସର୍ଦ୍ଦାର ପଟେଲଙ୍କ ଜନ୍ମଦିନ), ନଭେମ୍ବର ୧୫ ଜନଜାତୀୟ ଗୌରବ ଦିବସ (ବିର୍ସା ମୁଣ୍ଡାଙ୍କ ଜୟନ୍ତୀ), ନଭେମ୍ବର ୨୬ ସମ୍ବିଧାନ ଦିବସ ଏବଂ ଡିସେମ୍ବର ୨୬ ଗୁରୁ ଗୋବିନ୍ଦ ସିଂଙ୍କ ଚାରିପୁତ୍ରଙ୍କ ପ୍ରତି ଶ୍ରଦ୍ଧାଞ୍ଜଳି ଅର୍ପଣ ଦିବସ ରୂପେ ପାଳନ କରାଯାଉଛି ।
Powered by Froala Editor
