କୋଭିଡ-୧୯ ଟିକା ବିଦେଶରୁ ଆମଦାନି କରିବ ନାହିଁ କେନ୍ଦ୍ର
ନୂଆଦିଲ୍ଲୀ: କେନ୍ଦ୍ର ସରକାର କୋଭିଡ-୧୯ ଟିକା ବିଦେଶରୁ ଆମଦାନି କରିବେ ନାହିଁ । ରାଜ୍ୟ ଏବଂ କମ୍ପାନୀ ଗୁଡ଼ିକ ଟିକା ସିଧାସଳଖ ଭାବେ ଆମଦାନି କରନ୍ତୁ ବୋଲି ସରକାର ଚାହୁଁଛନ୍ତି । ଦୁଇ ଜଣ ବରିଷ୍ଠ ସରକାରୀ ଅଧିକାରୀ ଏହି ସୂଚନା ଦେଇଛନ୍ତି । ଯଦି ଏଭଳି ହୁଏ, ତେବେ ଦେଶରେ କୋଭିଡ ଟିକାକରଣ ଅଭିଯାନ ଧିମା ହେବା ଆଶଙ୍କା ରହିଛି । ଅଧିକାରୀଦ୍ୱୟ କହିଛନ୍ତି, ମୋଦି ସରକାର ଘରୋଇ ଟିକା ଉପôାଦନକାରୀଙ୍କ ଉପରେ ଫୋକସ କରିବେ । ସେମାନଙ୍କଠାରୁ ଟିକା କିଣିବା ପାଇଁ ଗ୍ୟାରେଣ୍ଟି ଦେବେ । କିନ୍ତୁ ଆମଦାନି ପାଇଁ ରାଜ୍ୟ ଏବଂ କମ୍ପାନୀମାନେ ନିଷ୍ପତ୍ତି ନିଅନ୍ତୁ ବୋଲି ସରକାର ଚାହୁଁଛନ୍ତି । ଉଲ୍ଲେଖଯୋଗ୍ୟ ଦେଶରେ କରୋନା ସଂକ୍ରମଣ ମାଡ଼ିବା ପରିପ୍ରେକ୍ଷୀରେ ସରକାର ଫାଇଜର ମଡେର୍ଣ୍ଣା ଏବଂ ଜନସନ ଆଣ୍ଡ ଜନସନ ଭଳି କମ୍ପାନୀକୁ ସେମାନଙ୍କ ଟିକାକୁ ଭାରତରେ ଅନୁମତି ଲାଗି ଆବେଦନ କରିବାକୁ କହିଛନ୍ତି । ଏଥିପାଇଁ ନିୟମ କୋହଳ କରାଯିବ ବୋଲି ପ୍ରତିଶ୍ରୁତି ଦେଇଛନ୍ତି ।
Powered by Froala Editor
