କରୋନା ସଙ୍କଟରେ ସହାୟତା ଦେବାକୁ ଆଶ୍ୱାସନା ଦେଲେ ଆମେରିକା ରାଷ୍ଟ୍ରପତି
କରୋନା ସଙ୍କଟରେ ଭାରତ ପାଇଁ ଆମେରିକାର ରାଷ୍ଟ୍ରପତି ଜୋ ବାଇଡେନ ଓ ଉପରାଷ୍ଟ୍ରପତି କମଳା ହାରିସ୍ ସହଯୋଗର ହାତ ବଢାଇବାର ଆଶ୍ବାସନା ଦେଇଛନ୍ତି। ଆମେରିକା ରାଷ୍ଟ୍ରପତି ଟ୍ୱିଟ୍ କରି କହିଛନ୍ତି କି, କରୋନା ସଂକ୍ରମଣ ଭଳି ସଂକଟ ବେଳେ ଭାରତକୁ ସ୍ୱାସ୍ଥ୍ୟ ସୁବିଧା ସମ୍ବନ୍ଧୀୟ ସୁବିଧା ସୁଯୋଗ ଆମେରିକା ତରଫରୁ ଯୋଗାଇ ଦିଆଯିବ । ଏହା ସହ ସେ କହିଛନ୍ତି କି ଆମର ସଂକଟ ସମୟରେ ଭାରତ ଯେଭଳି ଭାବେ ଆମକୁ ସହାୟତା କରିଥିଲା ଏବେ ଆମେ ତାଙ୍କର ଋଣ ସୁଝିବାକୁ ଚେଷ୍ଟା କରିବୁ । ଏହା ସହିତ ଆମେରିକା ଉପରାଷ୍ଟ୍ରପତି କମଳା ହାରିସ୍ ମଧ୍ୟ ଏନେଇ ଟୁଇଟ୍ କରିଛନ୍ତି। ହାରିସ୍ ଲେଖିଛନ୍ତି, ସାହାଯ୍ୟ କରିବା ସହ ଭରତର ନାଗରିକ ଓ ସହାସୀ ସ୍ବାସ୍ଥ୍ୟକର୍ମୀଙ୍କ ପାଇଁ ପ୍ରାର୍ଥନା କରୁଛି।
ଅନ୍ୟପଟେ ଭାରତରେ କୋଭିସିଲ୍ଡ ଟିକା ଉତ୍ପାଦନ ପାଇଁ ଆବଶ୍ୟକ କଞ୍ଚାମାଲ ଆମେରିକା ତରଫରୁ ଯୋଗାଇ ଦିଆଯିବ ବୋଲି ଆମେରିକା ପ୍ରଶାସନ ପକ୍ଷରୁ କୁହାଯାଇଛି । ଭାରତରେ କରୋନା ମହାମାରୀର ଦ୍ବିତୀୟ ଲହରୀ ପରେ ଆମେରିକୀୟ ନେତାଙ୍କ ପକ୍ଷରୁ ଏହା ପ୍ରଥମ ପ୍ରତିକ୍ରିୟା।
Powered by Froala Editor
