୬ ମାସ ମଧ୍ୟରେ ପିଲାଙ୍କୁ ମିଳିବ କରୋନା ଟିକା
3 ବର୍ଷ ଓ ତାଠାରୁ ଅଧିକ ବୟସ୍କ ପିଲାଙ୍କୁ ମିଳିବ କରୋନା ଟିକା । ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆ (ଏସଆଇଆଇ) ଆସନ୍ତା ୬ମାସ ମଧ୍ୟରେ ପିଲାମାନଙ୍କ ପାଇଁ ଉଦ୍ଦିଷ୍ଟ କୋଭିଡ-୧୯ ଟିକା ନୋଭାଭକ୍ସ (ଏନଭିଏଏକ୍ସ.ଓ)କୁ ବଜାରକୁ ଛାଡ଼ିବ ବୋଲି ଏହାର ସିଇଓ ଆଦର ପୁନାଓ୍ଵାଲା ମଙ୍ଗଳବାର ଦିନ କହିଛନ୍ତି।
କନଫେଡେରେସନ୍ ଅଫ୍ ଇଣ୍ଡିଆନ୍ ଇଣ୍ଡଷ୍ଟ୍ରି ଦ୍ୱାରା ଆୟୋଜିତ ଏକ ଭର୍ଚୁଆଲ୍ ସମ୍ମିଳନୀରେ ଯୋଗଦେବା ଅବସରରେ ଆଦର ପୁନାୱାଲା କହିଛନ୍ତି ଯେ ବିଶ୍ୱର ସର୍ବବୃହତ ଟିକା ଉତ୍ପାଦକ ନୋଭାଭକ୍ସ ଦ୍ୱାରା ପ୍ରସ୍ତୁତ କୋଭିଡ-୧୯ ଟିକା କୋଭୋଭାକ୍ସ ତିନି ବର୍ଷ ଏବଂ ତା’ଠାରୁ ଅଧିକ ବୟସର ପିଲାମାନଙ୍କ ଠାରେ ପରୀକ୍ଷାରେ ଭଲ ଫଳାଫଳ ଦେଖାଇଛି। ଆମର ଟିକା ଛଅ ମାସ ମଧ୍ୟରେ ଆରମ୍ଭ ହେବ।
ସେ କହିଛନ୍ତି, ‘୬ ମାସ ଭିତରେ ସେରମ ଇନଷ୍ଟିଚ୍ୟୁଟର ନୋଭାଭକ୍ସ ପିଲାଙ୍କ ଲାଗି ଆସିବ । କରୋନା ଟିକା ବାହାର କରିବା ଲାଗି ୧୦୦ କୋଟି ଡଲାର ନିବେଶ କରାଯାଇଛି ଏବଂ ଟିକା ଆସିବା ଯୋଗୁଁ ମହାମାରୀର ମୁକାବିଲା କରାଯାଇପାରିଛି । ନୂଆ ଭାରିଆଣ୍ଟ ଓମିକ୍ରନର ମୁକାବିଲା ଲାଗି ଟିକା ପ୍ରସ୍ତୁତ କରିବା ପ୍ରକ୍ରିୟା ଜାରି ରହିଛି । ଏକ ବୁଷ୍ଟର ଡୋଜ ଯେପରି ପ୍ରସ୍ତୁତ କରାଯାଇପାରିବ ସେଥିଲାଗି ଗବେଷଣା ଜାରି ରହିଛି ।
Powered by Froala Editor
