ମହାମାରୀର ମୁକାବିଲା ପାଇଁ ଟିକାକରଣ ଅଭିଯାନକୁ ଜୋରଦାର କରାଯାଉଛି। ଏହା ମଧ୍ୟରେ କରୋନା ଭାକ୍ସିନ ନିର୍ମାତାକାରୀ କମ୍ପାନୀ ଭାରତ ବାୟୋଟେକ୍ ପରବର୍ତ୍ତୀ ପର୍ଯ୍ୟାୟର ଟିକାକରଣ ପାଇଁ କୋଭାକ୍ସିନର ଦର ଧାର୍ଯ୍ୟ କରିଛି। କୋଭାକ୍ସିନର ପ୍ରତି ଡୋଜ୍ ପାଇଁ ରାଜ୍ୟ ସରକାର ଓ ଘରୋଇ ହସ୍ପିଟାଲ ପାଇଁ ଦର ଭିନ୍ନ ଭିନ୍ନ ରହିଛି।  ଘରୋଇ ହସ୍ପିଟାଲକୁ ଡୋଜ ପିଛା ୧୨୦୦ ଟଙ୍କାରେ ବିକ୍ରି ହେବ ଟିକା । କେନ୍ଦ୍ର ସରକାରଙ୍କୁ ୧୫୦ ଟଙ୍କା ଦରରେ ମିଳିବ । ରାଜ୍ୟ ସରକାରଙ୍କୁ ୬୦୦ ଟଙ୍କା ଦରରେ ପ୍ରତି ଡୋଜ ମିଳିବ । 

ଦେଶରେ ପରବର୍ତ୍ତୀ ପର୍ଯ୍ୟାୟ ଟିକାକରଣ ମେ ୧ରେ ଆରମ୍ଭ ହେବାକୁ ଯାଉଛି। ଏହି ପର୍ଯ୍ୟାୟରେ ୧୮ ବର୍ଷରୁ ଉର୍ଦ୍ଧ୍ଵ ବୟସ୍କ ଲୋକଙ୍କ ଟିକାକରଣ ହେବ। କିନ୍ତୁ ଏଥିପାଇଁ ଭାକ୍ସିନର ଦାମ ଅଲଗା ଅଲଗା ରଖାଯାଇଛି। ଭାରତ ବାୟୋଟେକ୍ ଟିକା ଦର ଘୋଷଣା କରି କହିଛି ଯେ, ଭାରତ ସରକାରଙ୍କ ନିର୍ଦ୍ଦେଶ ପରେ ଆମେ କୋଭାକ୍ସିନର ଦର ଘୋଷଣା କରିଛୁ।

ଗୋଟିଏ ଟିକାକୁ ଭିନ୍ନ ଭିନ୍ନ ଦର ଧାର୍ଯ୍ୟ ନେଇ ରାଜନୀତି ଥମି ନଥିବା ବେଳେ କୋଭାକ୍ସିନର ମଧ୍ୟ ଭିନ୍ନ ଧର ଧାର୍ଯ୍ୟ କରିଛି ଭାରତ ବାୟୋଟେକ୍‌ । ପୂର୍ବରୁ କୋଭିସିଲ୍ଡର ଦର ନେଇ ସେରମ ଇନଷ୍ଟିଚ୍ୟୁଟ ପକ୍ଷରୁ ସ୍ପଷ୍ଟିକରଣ ଦିଆଯାଇଥିଲା । ସାରା ବିଶ୍ବରେ କୋଭିସିଲ୍ଡ ଟିକା ଶସ୍ତା ବୋଲି କହିଥିଲା ସେରମ ଇନଷ୍ଟିଚ୍ୟୁଟ୍‌ ।

Powered by Froala Editor