ସଲମାନଙ୍କ ଫିଲ୍ମ ରିଲିଜ ବେଳେ ଥିଏଟରରେ ବାଣ ଫୁଟାଇଲେ ଫ୍ୟାନ୍
![ସଲମାନଙ୍କ ଫିଲ୍ମ ରିଲିଜ ବେଳେ ଥିଏଟରରେ ବାଣ ଫୁଟାଇଲେ ଫ୍ୟାନ୍](https://odishanewslens.com/news_gallery/8478_1638121884.jpg)
ଶୁକ୍ରବାର ରିଲିଜ ହୋଇଛି ସଲମାନ ଖାନ୍ଙ୍କ ଫିଲ୍ମ ‘ଅନ୍ତିମ ଦ ଫାଇନାଲ ଟ୍ରୁଥ’ । ଫିଲ୍ମଟି ରିଲିଜ ହେବା ପରେ ପରେ ହାଉସଫୁଲ୍ ହୋଇଯାଇଛି। ହେଲେ ଫ୍ୟାନମାନେ ଏତେ ଉତ୍ସାହିତ ହୋଇପଡିଥିଲେ ଯେ, ଥିଏଟର ଭିତରେ ବାଣ ଫୁଟାଇଥିଲେ । ଏହା ବିପଦଜନକ ହୋଇଥିଲେ ବି ଏପରି କରିବାକୁ କିଛି ଫ୍ୟାନ ପଛାଇନଥିଲେ । ହଲ୍ ଭିତରେ ଦର୍ଶକଙ୍କ ସାମ୍ନାରେ ବାଣ ଫୁଟାଇଥିଲେ । ଏ ସମସ୍ତ ଘଟଣାର ଭିଡିଓ ଏବେ ସୋଶାଲ ମିଡିଆରେ ଭାଇରାଲ ହେବାରେ ଲାଗିଛି। ତେବେ ଏହା କେଉଁ ସ୍ଥାନର ତାହା ଜଣାପଡି ନାହିଁ।
ଏହି ଭିଡିଓ ଭାଇରାଲ ହେବା ପରେ ସଲମାନ ନିଜ ଇନ୍ଷ୍ଟାଗ୍ରାମରେ ଲୋକଙ୍କୁ ଏଭଳି ନ କରିବା ପାଇଁ ନିବେଦନ କରିଛନ୍ତି। ସେ କହିଛନ୍ତି, ହଲ୍ ଭିତରେ ବାଣ ଫୁଟାନ୍ତୁ ନାହିଁ। ଏଭଳି କରିବା ଦ୍ୱାରା ସେଠି ଦୁର୍ଘଟଣା ଘଟିପାରେ ଏପରିକି ହଲ୍ ଭିତରେ ନିଆଁ ମଧ୍ୟ ଲାଗିବା ବିପଦ ରହିଛି। ନିଜର ଏବଂ ଅନ୍ୟମାନଙ୍କ ଜୀବନ ପ୍ରତି ମଧ୍ୟ ବିପଦ ରହିଛି। ଲୋକଙ୍କୁ ହଲ୍ ଭିତରେ ବାଣି ଫୁଟାଇବାକୁ ଅନୁମତି ନଦେବା ପାଇଁ ସେ ଥିଏଟର ମାଲିକଙ୍କୁ ମଧ୍ୟ ଅପିଲ କରିଛନ୍ତି।
Powered by Froala Editor