ଦୁର୍ବଳତା ହିଁ ତାର ସବୁଠାରୁ ବଡ ଶକ୍ତି, ଆସୁଛି ବାଘୁଣୀ
ବଲିଉଡ଼ ଅଭିନେତ୍ରୀ ସୁସ୍ମିତା ସେନ୍ଙ୍କ ଲୋକପ୍ରିୟ ୱେବସିରିଜ୍ ‘ଆର୍ୟା’ ଦ୍ବିତୀୟ ସିଜନ୍ ର ଟ୍ରେଲର ରିଲିଜ୍ ହୋଇଯାଇଛି। ସିଜିନ୍ ୨ରେ ଆର୍ଯ୍ୟାକୁ ପୂର୍ବାପେକ୍ଷା ଅଧିକ ନିର୍ଭୟ ଓ ଶକ୍ତିଶାଳୀ ଅବତାରରେ ଦେଖିବାକୁ ମିଳିଛି। ସୁସ୍ମିତା ନିଜ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଟ୍ରେଲର ସେୟାର କରିଛନ୍ତି ଓ ଦର୍ଶକଙ୍କୁ ଧନ୍ୟବାଦ ଜଣାଇଛନ୍ତି। ସେ କ୍ୟାପ୍ସନ ଲେଖିଛନ୍ତି, “ଆପଣମାନଙ୍କ ଧୈର୍ଯ୍ୟ ପାଇଁ ଧନ୍ୟବାଦ। ଆର୍ୟା ପୁଣି ଆସିଥିବାରୁ ମୁଁ ବହୁତ ଖୁସି। ଏହି ସିଜନରେ ତାର ଦୁର୍ବଳତା ହିଁ ତାର ସବୁଠାରୁ ବଡ ଶକ୍ତି ହେବ। ବାଘୁଣୀ ଆସୁଛି।” ଡିସେମ୍ବର ୧୦ ତାରିଖରୁ ଏହି ଦମ୍ଦାର୍ ୱେବସିରିଜକୁ ଆପଣ ଡିଜ୍ନୀ ପ୍ଲସ୍ ହଟ୍ଷ୍ଟାରରେ ଦେଖିପାରିବେ।
ସୂଚନାଯୋଗ୍ୟ ଯେ, ୱେବ ସିରିଜ ଆର୍ୟାକୁ ଚଳିତ ବର୍ଷ ଇଣ୍ଟରନ୍ୟାଶନାଲ ଏମ୍ମି ଆୱାର୍ଡରେ ଶ୍ରେଷ୍ଠ ଡ୍ରାମା କ୍ୟାଟେଗରୀରେ ନୋମିନେଟ ହୋଇଥିଲା। ଏହି ସିରିଜରେ ସୁସ୍ମିତା ଓଟିଟି ପ୍ଲାଟଫର୍ମରେ ଡେବ୍ୟୁ କରିଥିଲେ। ନିର୍ଦ୍ଦେଶକ ରାମ ମାଧବାନି ମଧ୍ୟ ଏହି ସିରିଜ ମଧ୍ୟରେ ଡେବ୍ୟୁ କରିଥିଲେ। ପ୍ରଶଂସକଙ୍କୁ ମଧ୍ୟ ‘ଆର୍ୟା-୨’ ଟ୍ରେଲର ବହୁତ ପସନ୍ଦ ଆସିଛି।
Powered by Froala Editor
