ଗଲଓ୍ବାନ ହିରୋ ସହିଦ୍ କର୍ଣ୍ଣେଲ ବି. ସନ୍ତୋଷ ବାବୁଙ୍କୁ ମହାବୀର ଚକ୍ର ପ୍ରଦାନ କରାଯାଇଛି ।ରାଷ୍ଟ୍ରପତି ଭବନରେ ଆୟୋଜିତ ଏକ କାର୍ଯ୍ୟକ୍ରମରେ ରାଷ୍ଟ୍ରପତି ରାମନାଥ କୋବିନ୍ଦ କଲୋନେଲ ସନ୍ତୋଷ ବାବୁଙ୍କ ସମେତ ଅନ୍ୟ ବୀର ଭାରତୀୟ ଯବାନଙ୍କୁ ବିଭିନ୍ନ ସାମରିକ ସମ୍ମାନରେ ସମ୍ମାନିତ କରିଛନ୍ତି । ସହିଦ ସନ୍ତୋଷ ବାବୁଙ୍କ ମା’ ଓ ତାଙ୍କ ପତ୍ନୀ ରାଷ୍ଟ୍ରପତିଙ୍କ ନିକଟରୁ ଏହି ସମ୍ମାନ ଗ୍ରହଣ କରିଥିଲେ । ଏହାବ୍ୟତୀତ ଓଡ଼ିଆ ସହିଦ ନାଏବ ସୁବେଦାର ନୁଦୁରାମ ସୋରେନ, ହାଭିଲଦାର କେ ପାଲାନି, ନାଏକ ଦୀପକ ସିଂହ, ସିପାହୀ ଗୁରତେଜ ସିଂହଙ୍କୁ ମଧ୍ୟ ମରଣୋତ୍ତର ଭାବରେ ବୀରଚକ୍ର ସମ୍ମାନରେ ସମ୍ମାନିତ କରାଯାଇଥିଲା । ସେମାନେ ସମସ୍ତେ ଗତବର୍ଷ ଜୁନ ମାସରେ ଗଲୱାନ ଉପତ୍ୟକାରେ ଚୀନ ସୈନ୍ୟକଙ୍କର ଆକ୍ରମଣାତ୍ମକ କାର୍ଯ୍ୟର କଡା ଜବାବ ଦେଇଥିଲେ । ଏହି ବୀର ଯବାନଙ୍କର ପତ୍ନୀଗଣ ସମ୍ମାନ ଗ୍ରହଣ କରିଥିଲେ ।

ଜମ୍ମୁ କାଶ୍ମୀରର କେରାନ ସେକ୍ଟରରେ ଏକ ଅଭିଯାନରେ ସହିଦ ହୋଇଥିବା ୪ ପାରା ସ୍ପେଶାଲ ଫୋର୍ସେସର ସୁବେଦାର ସଞ୍ଜୀବ କୁମାରଙ୍କୁ ମରଣୋତ୍ତର ଭାବରେ କୀର୍ତ୍ତୀ ଚକ୍ର ପ୍ରଦାନ କରାଯାଇଥିଲା । ସେ ଜଣେ ଆତଙ୍କବାଦୀକୁ ହତ୍ୟା କରିବାରେ ସଫଳ ହୋଇଥିଲେ ଏବଂ ତାଙ୍କ ଆକ୍ରମଣରେ ଅନ୍ୟ ଦୁଇ ଆତଙ୍କି ଆହତ ହୋଇଥିଲେ । ତାଙ୍କ ପତ୍ନୀ ମଧ୍ୟ ରାଷ୍ଟ୍ରପତିଙ୍କ ନିକଟରୁ ସମ୍ମାନ ଗ୍ରହଣ କରିଥିଲେ ।

Powered by Froala Editor