ପ୍ରଧାନମନ୍ତ୍ରୀଙ୍କୁ ଚିଠି ଲେଖି ଆପତି ଜଣାଇଛନ୍ତି କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀ । ସୋନିଆ ଗାନ୍ଧୀ ପତ୍ର ଲେଖି କେନ୍ଦ୍ର ସରକାରଙ୍କୁ ଭ୍ୟାକସିନ୍ ପଲିସି ଉପରେ ପ୍ରଶ୍ନ ପଚାରିଛନ୍ତି। ପ୍ରଧାନମନ୍ତ୍ରୀଙ୍କୁ ସୋନିଆ ଗାନ୍ଧୀ ଲେଖିଥିବା ଚିିଠିରେ ଗୋଟିଏ ଟିକାର ବିଭିନ୍ନ ଦାମ ନେଇ ପ୍ରଶ୍ନ ପଚରାଯାଇଛି । ସୋନିଆ ଗାନ୍ଧୀ ତାଙ୍କ ଚିଠିରେ କହିଛନ୍ତି କି , ଯେତେବେଳେ ହସ୍ପିଟାଲରେ ବେଡର ଅଭାବ, ଅକ୍ସିଜେନର ଅଭାବ ସେତେବେଳେ ସରକାର ଲାଭଖୋର ମନୋଭାବ ପୋଷଣ କରୁଛନ୍ତି । କରୋନା ଟିକାର ନୂଆ ନୀତି ଜରିଆରେ କେନ୍ଦ୍ର ସରକାର ୧୮ରୁ ୪୫ ବର୍ଷର ଲୋକଙ୍କୁ ମାଗଣାରେ ଟିକା ଉପଲବ୍ଧ କରିବାର ଦାୟିତ୍ବ ପଛରେ ଛାଡି ଦେଇଛନ୍ତି। କିଛିଦିନ ତଳେ କୋଭିସିଲ୍ଡ ଟିକାକୁ ନେଇ ସେରମ୍ ଇନଷ୍ଟିଚ୍ୟୁଟ୍ ଦର ଧାର୍ଯ୍ୟ କରିଥିଲେ । କୋଭିସିଲ୍ଡ ଟିକାର ଗୋଟିଏ ଡୋଜ ପାଇଁ କେନ୍ଦ୍ର ସରକାରଙ୍କୁ ୧୫୦ ଟଙ୍କା, ରାଜ୍ୟ ସରକାରଙ୍କୁ ୪୦୦ ଟଙ୍କା ଓ ଘରୋଇ ହସ୍ପିଟାଲ ୬୦୦ ଟଙ୍କ ଦେବାକୁ ହେବ ବୋଲି ସେରମ ଇନଷ୍ଟିଚ୍ୟୁଟ୍ ପକ୍ଷରୁ କୁହାଯାଇଛି । ପ୍ରଧାନମନ୍ତ୍ରୀ ମୋଦିଙ୍କୁ ଲେଖିଥିବା ଚିଠିରେ ସୋନିଆ ପ୍ରଶ୍ନ ପଚାରିଛନ୍ତି ଯେ, ଭ୍ୟାକସିନ୍‌ର ଅଧିକ ଦାମ୍‌ ଦ୍ବାରା ରାଜ୍ୟ ସରକାରଙ୍କ ଉପରେ ଚାପ ବଢିବ ଓ ସାଧାରଣ ଲୋକଙ୍କୁ ଭ୍ୟାକସିନ୍ ପାଇଁ ଅଧିକ ଟଙ୍କା ଦେବାକୁ ହେବ। ଏଭଳି ସ୍ଥିତିରେ ଭ୍ୟାକସିନ୍ ନିର୍ମାତା କମ୍ପାନୀ ୩ ପ୍ରକାର ରେଟ୍ କିଭଳି ଧାର୍ଯ୍ୟ କରିପାରିବ? କଂଗ୍ରେସ ପୂର୍ବରୁ ଦାବି କରିଛି, ଏହି ନୀତିର ପୁନଃମୂଲ୍ୟାଙ୍କନ କରାଯାଉ। କେନ୍ଦ୍ର ସରକାର ତୁରନ୍ତ ଏହି ମାମଲାରେ ହସ୍ତକ୍ଷେପ କରନ୍ତୁ ଓ ଭୁଲ ନିଷ୍ପତ୍ତିକୁ ବଦଳାନ୍ତୁ ବୋଲି ଚିଠି ମାଧ୍ୟମରେ ପ୍ରଧାନମନ୍ତ୍ରୀଙ୍କୁ ଅନୁରୋଧ କରିଛନ୍ତି ସୋନିଆ ଗାନ୍ଧୀ ।

Powered by Froala Editor