ରାଜନୀତିରେ ଏଣ୍ଟ୍ରି କରିବେ ଟେଲି ଅଭିନେତ୍ରୀ କାମ୍ୟା ପଞ୍ଜାମୀ
ମୁମ୍ବାଇ: ଖୁବ୍ଶୀଘ୍ର ରାଜନୀତିରେ ଏଣ୍ଟ୍ରି କରିବେ ଜଣାଶୁଣା ଟେଲି ଅଭିନେତ୍ରୀ କାମ୍ୟା ପଞ୍ଜାବୀ । ସେ କଂଗ୍ରେସରେ ଯୋଗଦେବେ ବୋଲି ଏକ ବିଶେଷ ସୂତ୍ରରୁ ଶୁଣିବାକୁ ମିଳିଛି । ଏନେଇ କାମ୍ୟା ତାଙ୍କ ପ୍ରଶଂସକ ଓ ଶୁଭେଚ୍ଛୁମାନଙ୍କୁ ଜଣାଇବେ ବୋଲି କୁହାଯାଉଛି ।
ଟେଲି ଧାରାବାହିକ ‘ଶକ୍ତି-ଅସ୍ତିତ୍ୱ ଏକ ଏହସାସ କି’ ଏବେ ଅଫଏୟାର ହୋଇଛି । ଏହାପରେ କାମ୍ୟା ରାଜନୀତିରେ ପାଦ ଥାପିବାକୁ ମନ ବଳାଇଛନ୍ତି । ଲୋକଙ୍କ ସେବା କରିବାକୁ ପିଲାଦିନରୁ ତାଙ୍କର ଇଚ୍ଛା ଥିଲା । ରାଜନୀତି ମାଧ୍ୟମରେ ସେ ଲୋକଙ୍କ ପାଖରେ ପହଞ୍ଚିବେ ବୋଲି ମନସ୍ଥ କରିଥିଲେ । ହେଲେ ସମୟ ଅଭାବରୁ ସେ କରିପାରୁ ନଥିଲେ । ଏବେ ବ୍ୟସ୍ତବହୁଳ ଜୀବନରୁ ଟିକେ ମୁକ୍ତି ମିଳିଛି । ତେଣୁ ରାଜନୀତିରେ ସାମିଲ ହେବାକୁ କାମ୍ୟା ଯୋଜନା କରିଛନ୍ତି । ସେପଟେ ଏହି ଖବର ଜାଣିବା ପରେ ଏବେ ତାଙ୍କ ଫ୍ୟାନ୍ମାନେ ଉତ୍ସାହିତ ହୋଇ ପଡ଼ିଛନ୍ତି । ଶୁଭେଚ୍ଛା ଜଣାଇବା ସହିତ ଅଭିନନ୍ଦନ ଜଣାଇଛନ୍ତି ।
Powered by Froala Editor
