‘ଗଣପତ’ରେ ଏକାଠି ଆସୁଛନ୍ତି ଟାଇଗର ଓ ଅମିତାଭ
![‘ଗଣପତ’ରେ ଏକାଠି ଆସୁଛନ୍ତି ଟାଇଗର ଓ ଅମିତାଭ](https://odishanewslens.com/news_gallery/7455_1635277342.jpg)
ପ୍ରଥମ ଥର ବଲିଉଡ଼ ଅଭିନେତା ଟାଇଗର ଶ୍ରଫ୍ ଏବଂ ବିଗ୍ ବି ଅମିତାଭ ବଚ୍ଚନ ଫିଲ୍ମ 'ଗଣପତ'ରେ ନଜର ଆସିବେ । ଏଥିରେ ଅମିତାଭ ବଚ୍ଚନ ଟାଇଗରଙ୍କ ପିତା ଭୂମିକାରେ ଅଭିନୟ କରିବେ। ଟାଇଗର ଶ୍ରଫଙ୍କ ପିତା ଜ୍ୟାକି ଶ୍ରଫ ଖାସ୍ ଚରିତ୍ରରେ ନଜର ଆସିବେ ବୋଲି କୁହାଯାଇଛି। ଫିଲ୍ମର ଶୁଟିଂ ଶୀଘ୍ର ଆରମ୍ଭ ହେବ। ଫିଲ୍ମର ଅନେକ ପୋଷ୍ଟର ଓ ମୋଶନ ପୋଷ୍ଟର ସାମ୍ନାକୁ ଆସିଛି। ଫିଲ୍ମର ଅଧିକାଂଶ ସିନ ୟୁକେରେ ଶୁଟିଂ କରାଯିବ। ଏଥିପାଇଁ ଟାଇଗର ଓ କୃତି ଲଣ୍ଡନରେ ପହଞ୍ଚି ସାରିଛନ୍ତି। ଶୁଟିଂ ପ୍ରାୟ ଦୁଇ ମାସ ଚାଲିପାରେ।
ଦୁଇଟି ପାର୍ଟରେ ହେବାକୁଥିବା ଏହି ଫିଲ୍ମରେ ଟାଇଗର ଶ୍ରଫ୍ ମୁଖ୍ୟ ଭୂମିକାରେ ନଜର ଆସିବେ। ରିପୋର୍ଟ ଅନୁଯାୟୀ, ଅମିତାଭ ବଚ୍ଚନଙ୍କୁ ଫିଲ୍ମ 'ଗଣପତ'ରେ ଟାଇଗରଙ୍କ ପିତା ଚରିତ୍ରରେ ଅଭିନୟ କରିବାକୁ ଯୋଗାଯୋଗ କରାଯାଇଛି। ଫିଲ୍ମରେ ଟାଇଗର ଜଣେ ବକ୍ସର ଚରିତ୍ରରେ ନଜର ଆସିବେ। ତାଙ୍କର ଅନସ୍କ୍ରିନ ପିତା ମଧ୍ୟ ଆରମ୍ଭରେ ବକ୍ସର ଥିଲେ। ସେଥିପାଇଁ ନିର୍ମାତା ଏହି ଚରିତ୍ର ପାଇଁ ଅମିତାଭ ବଚ୍ଚନଙ୍କୁ ନେବା ପାଇଁ ଚାହୁଁଛନ୍ତି। ଫିଲ୍ମ 'ଗଣପତ'ର ନିର୍ଦ୍ଦେଶନା ବିକାଶ ବହଲ କରୁଥିବାବେଳେ ବାସୁ ଭଗନାନୀଙ୍କ ପୂଜା ଏଣ୍ଟରଟେନମେଣ୍ଟ ଏହାକୁ ପ୍ରଡ୍ୟୁସ କରୁଛି।
Powered by Froala Editor