୧୦୦ କୋଟି ଟିକାକରଣ ଦେଶବାସୀଙ୍କ ସଫଳତା: ପ୍ରଧାନମନ୍ତ୍ରୀ
![୧୦୦ କୋଟି ଟିକାକରଣ ଦେଶବାସୀଙ୍କ ସଫଳତା: ପ୍ରଧାନମନ୍ତ୍ରୀ](https://odishanewslens.com/news_gallery/7320_1634896164.jpg)
ନୂଆଦିଲ୍ଲୀ: ୧୦୦ କୋଟି ଟିକାକରଣରେ ଭାରତ ଅସାଧାରଣ ଲକ୍ଷ୍ୟ ହାସଲ କରିଛି । ଏ ସଫଳତା ଦେଶବାସୀଙ୍କ ସଫଳତା । ଏଥିପାଇଁ ସବୁ ଦେଶବାସୀଙ୍କୁ ଆଜି ଅଭିନନ୍ଦନ ଜଣାଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଭିସି ଜରିଆରେ ଦେଶବାସୀଙ୍କୁ ସମ୍ବୋଧିତ କରି ମୋଦି କହିଛନ୍ତି, ଟିକାକରଣରେ ଇତିହାସରେ ନୂଆ ଅଧ୍ୟାୟ ସୃଷ୍ଟି କରିଛି ଭାରତ । ନିଜ ସଂକଳ୍ପର ସିଦ୍ଧି ପାଇଁ ପରିଶ୍ରମ ଓ ପରାକାଷ୍ଠା ଆମକୁ ଦେଇଛି ସଫଳତା ।
ସାରା ଦୁନିଆରେ ଭାରତର ଟିକାକରଣକୁ ନେଇ ପ୍ରଶଂସା । ଏହା କେବଳ ସମସ୍ତଙ୍କ ସହଯୋଗ ପାଇଁ ହୋଇପାରିଛି । ଯେତେବେଳେ ଶହେ ବର୍ଷର ବଡ ମହାମାରୀ ଆସିଲା ।
ଏହି ମହାମାରୀ ସହ ଭାରତ ଲଢିପାରିବ ତ ? ଅନ୍ୟ ଦେଶଠୁ ଭାରତ ଭ୍ୟାକସିନ୍ ଆଣିବା ପାଇଁ ଏତେ ଟଙ୍କା କେଉଁଠୁ ଆଣିବ? ଏହିଭଳି ବହୁ ପ୍ରଶ୍ନ ଉଠିଥିଲା । କିନ୍ତୁ ୧୦୦ କୋଟିର ଟିକା କରଣ ସବୁ ପ୍ରଶ୍ନର ଉତ୍ତର ଦେଇଛି । ମହାମାରୀ ଲଢେଇରେ ଜନଭାଗିଦାରୀ ପ୍ରଥମ ଅସ୍ତ୍ର ହୋଇଥିଲା । ଭାରତର ପୁରା ଭ୍ୟାକସିନେସନ୍ ରେ ବୈଜ୍ଞାନିକ ଆଧାରିତ । ସାଇନ୍ସ ବର୍ଣ୍ଣ, ସାଇନ୍ସ ଗିଭେନ୍ ଓ ସାଇନ୍ସ ବେସ୍ ।
ଭ୍ୟାକ୍ସିନ୍ ତିଆରି ହେବାଠୁ ଲଗାଇବା ପର୍ୟ୍ୟନ୍ତ ପୁରା ଅଭିଯାନ ସାଇନ୍ସ ସାମିଲ ଟିକାକରଣରେ ବହୁ ଗୁଡାଏ ଚ୍ୟାଲେଞ୍ଜ ଥିଲା ଆମ ପାଇଁ କିନ୍ତୁ ଦେଶ ଏହି ଚ୍ୟାଲେଞ୍ଜକୁ ଅସାଧାରଣ ସହ ବିଜୟ କରିଛି।
Powered by Froala Editor