ପିପିଲି: ପିପିଲିରେ ୨୦ ଆଦର୍ଶ ବୁଥ କରାଯାଇଥିବା ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ଆଜି ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ।

ତାଙ୍କ ସୂଚନା ଅନୁଯାୟୀ ବର୍ତ୍ତମାନ ପର୍ୟ୍ୟନ୍ତ ଶାନ୍ତିଶୃଙ୍ଖଳା ସହ ଭୋଟ ଗ୍ରହଣ ଚାଲିଛି । କୌଣସି ଅପ୍ରୀତିକର ପରିସ୍ଥିତିର ଖବର ଏପର୍ୟ୍ୟନ୍ତ ଆସିନାହିଁ । ପାଗ ମଧ୍ୟ ଅନୁକୂଳ ରହିଛି । ଭୋଟରଙ୍କ ସଂଖ୍ୟା ବଢୁଛି । ଆଗକୁ ଆହୁରି ମଧ୍ୟ ଭୋଟରଙ୍କ ସଂଖ୍ୟା ବଢିବ ବୋଲି ଆଶା କରାଯାଉଛି ।ମକ ପୋଲ ବେଳେ ୬ଟି ଭିଭିପାଟ ମେସିନରେ ଯାନ୍ତ୍ରିକ ତ୍ରୁଟି ଦେଖାଯାଇଥିଲା । ପରବର୍ତ୍ତୀ ସମୟରେ ସମସ୍ୟାର ସମାଧାନ କରାଯାଇ ଭୋଟ ଗ୍ରହଣ ଚାଲିଛି । ୨୦ଟି ଆଦର୍ଶ ବୁଥ କରାଯାଇଛି ।  ଦିନ ୧୧ଟା ସୁଦ୍ଧା ୨୪.୭୬% ମତଦାନ ହୋଇଛି । ସକାଳ ୯ଟା ମଧ୍ୟରେ ୭.୮ ପ୍ରତିଶତ ମତଦାନ ହୋଇଥିବା ସୂଚନା ଦେଇଛନ୍ତି ମୁଖ୍ୟ ନିର୍ବାଚନ ଅଧିକାରୀ ସୁଶୀଲ କୁମାର ଲୋହାନୀ ।

କାହାର ହେବ ପିପିଲି ଗଡ ? କିଏ ମାରିବ ବାଜି ? ଏନେଇ ଭୋଟରଙ୍କ ଭାଗ୍ୟ ନିର୍ଦ୍ଧାରଣ କରୁଛନ୍ତି ପିପିଲିବାସୀ । ବିଭିନ୍ନ ବୁଥରେ ସକାଳୁ ମତଦାନ ଆରମ୍ଭ ହୋଇଛି । ପିପିଲିର ବିଭିନ୍ନ ବୁଥ ଆଗରେ ଲମ୍ବା ଲାଇନ ଲାଗିଛି । କଡା ସୁରକ୍ଷା ମଧ୍ୟରେ ଚାଲିଛି ଭୋଟିଂ । କଟକଣାରେ ଭୋଟ ଦେଉଛନ୍ତି ପିପିଲିବାସୀ  । ଧୀରେ ଧୀରେ ବଢୁଛି ମତଦାତାଙ୍କ ସଂଖ୍ୟା  । 

Powered by Froala Editor