ନୂଆଦିଲ୍ଲୀ: ଦେଶରେ ବେକାବୁ କରୋନା ସଂକ୍ରମଣ । ଭାରତରେ କରୋନା ସଂକ୍ରମଣ ଜନିତ ମାମଲା ବୃଦ୍ଧି ପାଇବା ପରିପ୍ରେକ୍ଷୀରେ କେନ୍ଦ୍ର ସରକାର ସାରା ଦେଶରେ କୋଭାକ୍ସିନ ଟିକା ଉପôାଦନ ବୃଦ୍ଧି କରିବାକୁ ଯୋଜନା କରିଛନ୍ତି । ଆସନ୍ତା ସେପ୍ଟେମ୍ବର ସୁଦ୍ଧା ସରକାର ମାସକୁ କୋଭାକ୍ସିନର ୧୦ କୋଟି ଡୋଜ ଉପôାଦନ କରିବାକୁ ଲକ୍ଷ୍ୟ ରଖିଛନ୍ତି । ଟିକା ଉପôାଦନ ବୃଦ୍ଧି କରିବା ଲକ୍ଷ୍ୟରେ ସରକାର ତିନିଟି ରାଷ୍ଟ୍ରାୟତ୍ତ କମ୍ପାନୀ-ହାଫକିନ ବାୟୋଫାର୍ମାସିଟୁ୍ୟକାଲ କର୍ପୋରେସନ, ଇଣ୍ଡିଆନ ଇମୁ୍ୟନେଲୋଜିକାଲ ଓ ବାୟୋଲୋଜିକାଲସ ଲିମିଟେଡକୁ ନିୟୋଜିତ କରିବାକୁ ସ୍ଥିର କରିଛନ୍ତି । ସରକାର ଭାରତ ବାୟୋଟେକ ସହ ଏହି ତିନିଟି କମ୍ପାନୀଙ୍କୁ ମଧ୍ୟ ନିଜର ଭିତ୍ତିଭୂମିର ବିସ୍ତାର କରିବା ଏବଂ ଆବଶ୍ୟକ ଟେକ୍ନୋଲୋଜି ହାସଲ କରିବା ପାଇଁ ଆର୍ଥିକ ସହାୟତା ପ୍ରଦାନ କରିବେ ବୋଲି ସୂଚନା ମିଳିଛି । ଭାରତ ବାୟୋଟେକର ବେଙ୍ଗାଲୁରୁ ସ୍ଥିତ ପ୍ଲାଣ୍ଟର କ୍ଷମତା ବୃଦ୍ଧି କରିବା ସକାଶେ ସରକାର ୬୫ କୋଟି ଟଙ୍କାର ଅନୁଦାନ ଯୋଗାଇଦେବେ । ଏବେ ମାସକୁ କୋଭାକ୍ସିନ ଟିକାର ଯେତିକି ଡୋଜ ପ୍ରସ୍ତୁତ କରାଯାଉଛି । ମେ’ଓ ଜୁନ ମାସ ସୁଦ୍ଧା ତାହା ଦୁଇ ଗୁଣ ଏବଂ ଜୁଲାଇ-ଅଗଷ୍ଟ ସୁଦ୍ଧା ୬ ରୁ ୭ ଗୁଣ ବୃଦ୍ଧି କରିବାକୁ ଲକ୍ଷ୍ୟ ରଖାଯାଇଛି । ଏବେ ମାସକୁ କୋଭାକ୍ସିନର ୧ କୋଟି ଡୋଜ ପ୍ରସ୍ତୁତ କରାଯାଇଥିଲା ବେଳେ ଆସନ୍ତା ଅଗଷ୍ଟ ସୁଦ୍ଧା ଏହା ମାସିକ ୬ ରୁ ୭ କୋଟିରେ ପହଁଚିବ । ଆସନ୍ତା ସେପ୍ଟେମ୍ବର ସୁଦ୍ଧା ଏହା ବୃଦ୍ଧି ପାଇ ମାସିକ ୧୦ କୋଟିରେ ପହଞ୍ଚିବ ।