ଖୁସି ଖବର: ଏଣିକି ହ୍ୱାଟସ ଆପ ମାଧ୍ୟମରେ ହୋଇପାରିବ ସ୍ଲଟ ବୁକିଂ
![ଖୁସି ଖବର: ଏଣିକି ହ୍ୱାଟସ ଆପ ମାଧ୍ୟମରେ ହୋଇପାରିବ ସ୍ଲଟ ବୁକିଂ](https://odishanewslens.com/news_gallery/5276_1629875906.jpg)
ନୂଆଦିଲ୍ଲୀ: ଟିକାକରଣ ଲାଗି ସ୍ଲଟ ବୁକିଂ ପାଇଁ ହଇରାଣ ହେଉଥିବା ଲୋକଙ୍କ ପାଇଁ ଖୁସି ଖବର । ଏଣିକି ହ୍ୱାଟସ ଆପ ମାଧ୍ୟମରେ କୋଭିଡ-୧୯ ଟିକାକରଣ ପାଇଁ ସ୍ଲଟ ବୁକିଂ ହୋଇପାରିବ । ଏଥିପାଇଁ ସରକାର ଫେସବୁକ ମାଲିକାନାରେ ଥିବା ଏହି ମେସେଜିଂ ଆପ ସହ ବୁଝାମଣା କରିଛନ୍ତି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ, ସିଟିଜେନ ଏନଗେଜମେଣ୍ଟ ପ୍ଲାଟଫର୍ମ ମାଇଗଭଇଣ୍ଡିଆ ଓ ହ୍ୱାଟସଆପ ମଧ୍ୟରେ ହୋଇଥିବା ବୁଝାମଣା ଅନୁଯାୟୀ ଫୋନ ମାଧ୍ୟମରେ ଯୋଗ୍ୟ ହିତାଧିକାରୀମାନଙ୍କ ପାଖକୁ ସେମାନେ କେବେ କେଉଁଠି ଟିକା ନେବେ ସେ ସମ୍ପର୍କୀୟ ବାର୍ତ୍ତା ପହଞ୍ଚିବ । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମଣ୍ଡାଭିୟା ମଙ୍ଗଳବାର ଟ୍ୱିଟରରେ କହିଛନ୍ତି ଯେ ନାଗରିକ ସୁବିଧାର ନୂଆ ଯୁଗରେ ଆମେ ପାଦ ଦେଉଛଉ । ଏବେ କିଛି ମିନିଟ ଭିତରେ ଆପଣଙ୍କ ଫୋନ ମାଧ୍ୟମରେ କୋଭିଡ-୧୯ ଟିକାକରଣ ପାଇଁ ସ୍ଲଟ ବୁକିଂ ହେବ । ହ୍ୱାଟସ ଆପ ମୁଖ୍ୟ କାର୍ଯ୍ୟନିର୍ବାହୀ କ୍ୟାଥକାର୍ଟ କହିଛନ୍ତି ଯେ କେବଳ ସ୍ଲଟ ବୁକିଂ ନୁହେଁ, ଟିକାକରଣ ହେଲା ବୋଲି ସାର୍ଟିଫିକେଟ ମଧ୍ୟ ନାଗରିକମାନେ ହ୍ୱାଟସଆପରେ ପାଇପାରିବେ ।
Powered by Froala Editor