ଆମେ ଏକବିଂଶ ଶତାବ୍ଦୀରେ ବଞ୍ଚୁଛୁ । ସ୍ୱାଧୀନ ଚିନ୍ତାଧାରାକୁ ନେଇ ଗତିଶୀଳ ହେଉଛି ସମାଜ । କିନ୍ତୁ ଏବେ ବି କିଛି କୁତ୍ସିତ ମାନସିକତାର ଲୋକଙ୍କ ପାଇଁ ସମାଜ ପଛରେ ପଡିଯାଇଛି । ଯେଉଁଠି ନାରୀକୁ ଉଚିତ ସମ୍ମାନ ଦିଆଯାଉଛି ବୋଲି ଡେଙ୍ଗୁରା ପିଟାଯାଉଛି । ସେଇଠି ଜଣେ ମହିଳାଙ୍କୁ ଅଗ୍ନି ପରୀକ୍ଷା ଦେବାକୁ ପଡିଛି । ଏଭଳି ଚିତ୍ର ମଧ୍ୟପ୍ରଦେଶ ଛିନ୍ଦୱାଡାରୁ ଆସିଛି । ଏଠାରେ ଜଣେ ମହିଳାଙ୍କୁ ଶାଶୂ ସାମନାରେ ନିର୍ଦ୍ଦୋଷ ସାବ୍ୟସ୍ତ କରିବାକୁ ଅଗ୍ନିପରୀକ୍ଷା ଦେବାକୁ ପଡ଼ିଛି । ମହିଳାଙ୍କ ଉପରେ ତାଙ୍କ ଶାଶୂ ଅଭିଯୋଗ ଲଗାଇ ଥିଲେ କି ସେ କଳା ଯାଦୁ କରି ନିଜର ପତିକୁ ନିଜ ଆୟତ୍ତରେ ରଖିଛନ୍ତି ।

ସୌସାର ତହସିଲ୍‌ର ଗ୍ରାମ ରାମକୋଣାରେ ମୋହରମ୍‌ ପର୍ବରେ ଏକ ଦରଗାହର ଭିଡ଼ିଓ ସୋସିଆଲ ମିଡ଼ିଆରେ ଖୁବ୍‌ ଭାଇରାଲ ହେଉଛି । ଯେଉଁଥିରେ ବାବା ମହିଳାଙ୍କ ଉପରେ ତାଙ୍କର ସଂପର୍କୀୟଙ୍କ ଦ୍ୱାରା କଳଙ୍କ ଲଗାଯାଇ ଥିବାର କଥାବାର୍ତ୍ତା କରୁଛନ୍ତି । ଭିଡ଼ିଓରେ ମହିଳାଙ୍କୁ ମଧ୍ୟ ନିଜକୁ ନିର୍ଦ୍ଦୋଷ ପ୍ରମାଣିତ କରିବାକୁ କୁହାଯାଉଛି । ଏହାପରେ ମହିଳା ଜଳନ୍ତା କୋଇଲା ଉପରେ ଚାଲୁଛନ୍ତି । ପରେ ବାବାଙ୍କ ଦ୍ୱାରା ଲୋକଙ୍କୁ କୁହାଯାଉଛି ଦେଖନ୍ତୁ କି ତାଙ୍କ ପାଦ ଜଳି ଯାଉଛି ନା ନାହିଁ ?

ମହିଳା ମିଡ଼ିଆଙ୍କୁ କହିଛନ୍ତି କି ତାଙ୍କର ଶାଶୂ ଓ ଶ୍ୱଶୂର ପକ୍ଷର ଅନ୍ୟ ଲୋକ ପତିଙ୍କୁ ନିଜ ବଶରେ ରଖିବାର ଅଭିଯୋଗ କରିଛନ୍ତି । ହେଲେ ସେ ଏମିତି କିଛି କରି ନାହାନ୍ତି । ଏହାର ପ୍ରମାଣ ଦେବା ପାଇଁ ସେ ବାବାଙ୍କର ଦରଗାହକୁ ଆସିଥିଲେ । ଘଟଣାର ସୂଚନା ମିଳିବା ପରେ ପୁଲିସ୍‌ ମାମଲା ରୁଜୁ କରିଛି । 

Powered by Froala Editor