କରୋନା ସମୟରେ ଅସହାୟ ଲୋକଙ୍କ ପାଖରେ ଦେବତା ଭଳି ଠିଆ ହୋଇଛନ୍ତି ଅଭିନେତା ସୋନୁ ସୁଦ । ତେଣୁ ତାଙ୍କର ପ୍ରଶଂସକଙ୍କ ସଂଖ୍ୟା ବହୁତ ଅଧିକ । ତେବେ ନିକଟରେ ଜଣେ ଫ୍ୟାନ୍ ତାଙ୍କୁ ୧ କୋଟି ଟଙ୍କା ମାଗିଥିଲେ । ଏହାର ଉତ୍ତରରେ ସୋନୁ ଏପରି ଉତ୍ତର ଦେଇଥିଲେ ଯାହା ଖୁବ୍ ଭାଇରାଲ ହେଉଛି । 

ସୋନୁଙ୍କୁ ଟୁଇଟ୍ କରି ଜଣେ ଯୁବକ କହିଥିଲେ, "ସାର୍ ମୋତେ ୧ କୋଟି ଟଙ୍କା ଦିଅନ୍ତୁ" । ଏହାର ରିପ୍ଲାଏରେ ସୋନୁ ଲେଖିଛନ୍ତି, "ମାତ୍ର ୧ କୋଟି? ଆପଣ ଅଧିକ ବି ମାଗିପାରିଥାନ୍ତେ" । ଖାଲି ସେତିକି ନୂହେଁ ଆଉ ଜଣେ ଫ୍ୟାନ୍ କହିଥିଲେ ଯେ, "ସାର୍ ମୋତେ ଆପଣଙ୍କ ଆଗାମୀ ଫିଲ୍ମରେ ଏକ ରୋଲ୍ ଦେବେ?" । ସୋନୁ ରିପ୍ଲାଏରେ ଲେଖିଥିଲେ, "କାହାକୁ ସାହାଯ୍ୟ କରିବା ଠାରୁ କୌଣସି ରୋଲ୍ ବଡ଼ ହୋଇନଥାଏ । ଏହି ରୋଲ୍ କର । ଏହାପରେ ତୁମ ଠୁ ବଡ଼ ଆଉ କୋଉ ବି ହିରୋ ହେବନି" ।

ସୋନୁ ସୁଦ କେବଳ ନିଜର ଅଭିନୟ ପାଇଁ ଜଣାଶୁଣା ନୁହଁନ୍ତି, ବରଂ ସେ ନିଜ ଶରୀର ଏବଂ ଫିଟନେସ ପାଇଁ ଅନେକ ପ୍ରଶଂସା ସାଉଁଟି ଆସିଛନ୍ତି ।  ଏବେ ବି ଚର୍ଚ୍ଚାରେ ସୋନୁ । କରୋନା କାଳରେ ଲୋକଙ୍କୁ ସାହାଯ୍ୟ କରିଥିବା ସୋନୁ ସୋସିଆଲ ମିଡିଆରେ ସବୁବେଳେ ସକ୍ରିୟ ଥାନ୍ତି। କେବଳ ସେତିକି ନୁହେଁ, ତାଙ୍କୁ ସାହାଯ୍ୟ ମାଗୁଥିବା ଲୋକଙ୍କୁ ମଧ୍ୟ ନିଜେ ଜବାବ ଦିଅନ୍ତି । ମଜାଳିଆ ଢଙ୍ଗରେ ଟ୍ୱିଟ୍ କରିବାକୁ ମଧ୍ୟ ପଛାନ୍ତି ନାହିଁ। ଯେତେବେଳେ ୟୁଜର୍ ସୋନୁ ସୁଦଙ୍କୁ କିଛି ଅଦ୍ଭୁତ ଡିମାଣ୍ଡ କରିଛନ୍ତି ସେତେବେଳେ ସେ ମଜାଳିଆ ଢଙ୍ଗରେ ରିପ୍ଲାଏ ଦେଇଥାନ୍ତି ।  

Powered by Froala Editor