ଜନ୍ମଦିନ ପାର୍ଟିରେ ଅଘଟଣ: ନାଚୁଥିବା ସମୟରେ ଭୁଶୁଡି ପଡିଲା ଛାତ,୨ ମୃତ
![ଜନ୍ମଦିନ ପାର୍ଟିରେ ଅଘଟଣ: ନାଚୁଥିବା ସମୟରେ ଭୁଶୁଡି ପଡିଲା ଛାତ,୨ ମୃତ](https://odishanewslens.com/news_gallery/5233_1629787240.jpg)
ନୂଆଦିଲ୍ଲୀ: ଜନ୍ମଦିନ ପାର୍ଟିରେ ଅଘଟଣ । ଡିଜେ ତାଳେ ତାଳେ ନାଚୁଥିବା ସମୟରେ ଭୁଶୁଡି ପଡିଲା ଛାତ । ଏଥିରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୧୫ରୁ ଉର୍ଦ୍ଧ୍ବ ଆହତ ହୋଇଛନ୍ତି । ଗତକାଲି ରାତିରେ ଦିଲ୍ଲୀର ତାଜନାଗରୀର ଚାନ୍ଦପୁରାରେ ଜଣେ ବ୍ୟବସାୟୀ ସୋନୁ ବର୍ମାଙ୍କ ଘରେ ଜନ୍ମଦିନ ପାର୍ଟିର ଆୟୋଜନ କରାଯାଇଥିଲା । ଏହି ପାର୍ଟିରେ ୫୦ରୁ ୬୦ ଜଣ ଲୋକ ଯୋଗ ଦେଇଥିଲେ । ଘର ମରାମତି ଚାଲିଥିବା ସମୟରେ ଦ୍ବିତୀୟ ମହଲାରେ ପାର୍ଟିର ଆୟୋଜନ କରାଯାଇଥିଲା । ତେବେ ରାତି ବଢିବା ସହ ଡିଜେର ତାଳେ ତାଳେ ମତୁଆଲା ହୋଇ ଉଠିଥିଲେ ସମସ୍ତେ । ଏହି ସମୟରେ ହଠାତ ଘରର ଚଟାଣ ଭୁଶୁଡି ପଡିଥିଲା । ଫଳରେ ସମସ୍ତେ ପ୍ରଥମ ମହାଲାରେ ଚାପି ହୋଇଯାଇଥିଲେ ।ଏନେଇ ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଉଦ୍ଧାର କାର୍ୟ୍ୟ ଆରମ୍ଭ କରିଥିଲା । ଏଥିରେ ୨ ଜଣଙ୍କ ମୃତ୍ୟୁ ହୋଇଥିବା ବେଳେ ୧୫ରୁ ଉର୍ଦ୍ଧ୍ବ ଆହତ ହୋଇଛନ୍ତି । ସମସ୍ତ ଆହତଙ୍କୁ ପୋଲିସ ହସ୍ପିଟାଲରେ ଭର୍ତ୍ତି କରିଥିବା ଆଗ୍ରା ଡିଏମ ସୂଚନା ଦେଇଥିଲେ
Powered by Froala Editor