ପର୍ଯ୍ୟଟକଙ୍କ ପାଇଁ ଶିମିଳିପାଳ ଜାତୀୟ ଉଦ୍ୟାନ ଖୋଲିବ ୧ରୁ
ବାରିପଦା: ଆସନ୍ତା ୧ରୁ ପର୍ଯ୍ୟଟକଙ୍କ ପାଇଁ ଶିମିଳିପାଳ ଜାତୀୟ ଉଦ୍ୟାନ ଖୋଲିବ । ଏନେଇ ଶିମିଳିପାଳ ବ୍ୟାଘ୍ର ସଂରକ୍ଷଣ ପ୍ରକଳ୍ପର କ୍ଷେତ୍ର ନିର୍ଦ୍ଦେଶକ ତଥା ବାରିପଦା ଆଞ୍ଚଳିକ ମୁଖ୍ୟ ବନ ସଂରକ୍ଷକଙ୍କ ପକ୍ଷରୁ ସୂଚନା ଦିଆଯାଇଛି। ଚଳିତ ବର୍ଷ ଶିମିଳିପାଳରେ ଲଗାଣ ବର୍ଷା ଯୋଗୁଁ ରାସ୍ତାଘାଟ ଧୋଇ ଯାଇଥିଲା । ବର୍ଷା ଛାଡ଼ିବା ପରେ ରାସ୍ତା ମରାମତି ହୋଇଛି ।
ସୂଚନା ମୁତାବକ, ଦୈନିକ ସର୍ବାଧିକ ୬୦ଟି ଚାରିଚକିଆ ଗାଡ଼ି ଶିମିଳିପାଳ ଭିତରକୁ ପ୍ରବେଶ କରିପାରିବେ । ସେଥିମଧ୍ୟରୁ ସକାଳ ୫ରୁ ୯ଟା ଯାଏ ୩୫ଟି ଗାଡ଼ି ଯଶିପୁରର କଳିକାପ୍ରସାଦ ପଟୁ ଏବଂ ସକାଳ ୮ରୁ ୯ଟା ମଧ୍ୟରେ ୨୫ଟି ଗାଡ଼ି ବାରିପଦା ପିଠାବଟା ଫାଟକ ଦେଇ ଭିତରକୁ ଯାଇପାରିବେ ।
Powered by Froala Editor
