ସୌମ୍ୟ ହତ୍ୟାକାଣ୍ଡ ମାମଲା: ଦୁଇଦିନିଆ ରିମାଣ୍ଡରେ ନେଇ ପଚରାଉଚରା କରିବ କ୍ରାଇମ୍ବ୍ରାଞ୍ଚ
ଭୁବନେଶ୍ବର: ବାଲିଅନ୍ତା ଥାନା ଅଧୀନ ରାମଚନ୍ଦ୍ରପୁର କାଜ ନିକଟରେ ପୁଲିସ କନଷ୍ଟେବଳ ସୌମ୍ୟରଞ୍ଜନ ସ୍ବାଇଁକୁ ପିଟିପିଟି ହତ୍ୟା ଘଟଣାରେ ତଦନ୍ତକୁ ତ୍ୱରାନିତ କରିଛି କ୍ରାଇମବ୍ରାଞ୍ଚ। ଗିରଫ ହୋଇଥିବା ୩ ମୁଖ୍ୟ ଅଭିଯୁକ୍ତ ପଞ୍ଚାନନ ବଡ଼ଜେନା ଓରଫ କାଳିଆ, ସ୍ମାଏଲାବ ପତି ଓ ବିସ୍ମୟ ମହାନ୍ତିଙ୍କ ଲାଗି ଅଡୁଆ ବଢ଼ିଛି। ବୁଧବାରଠାରୁ ସେମାନଙ୍କୁ ଦୁଇଦିନିଆ ରିମାଣ୍ଡରେ ନେଇ ପଚରାଉଚରା କରିବ କ୍ରାଇମ୍ବ୍ରାଞ୍ଚ। ତଦନ୍ତ ସମୟରେ ୩ ଅଭିଯୁକ୍ତ ଭୂମିକା କ୍ରାଇମ୍ବ୍ରାଞ୍ଚ ଯାଞ୍ଚ କରିଥିଲା। ହତ୍ୟା ମାମଲାରେ ଏହି ୩ ଅଭିଯୁକ୍ତ ମୁଖ୍ୟ ଅଭିଯୁକ୍ତ ବୋଲି କ୍ରାଇମ୍ବ୍ରାଞ୍ଚ ପ୍ରମାଣ ପାଇଥିଲା। ସେମାନଙ୍କୁ ଜେରା ପରେ କିଛି ରୋଚକ ତଥ୍ୟ ପଦାକୁ ଆସିବ ବୋଲି ତଦନ୍ତକାରୀ ସଂସ୍ଥା ଆଶା ରଖିଛି। ସ୍ମାଏଲାବ ଓ ବିସ୍ମୟକୁ କମିସନରେଟ ପୁଲିସ ଓ ପଞ୍ଚାନନକୁ କ୍ରାଇମବ୍ରାଞ୍ଚ ଗିରଫ କରିଥିଲା। ଏହି ଘଟଣାରେ ୨୦ଜଣ ଅଭିଯୁକ୍ତଙ୍କୁ ପୁଲିସ ଗିରଫ କରି ସାରିଲାଣି।
Powered by Froala Editor
