ପଶ୍ଚିମବଙ୍ଗ ନିର୍ବାଚନ: ମମତାଙ୍କ ନିର୍ବାଚନ ମଣ୍ଡଳୀରୁ ଶୁଭେନ୍ଦୁଙ୍କୁ ପ୍ରାର୍ଥୀ କଲା ବିଜେପି
ନୂଆଦିଲ୍ଲୀ: ଆଗାମୀ ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ବିଗୁଲ୍ ବାଜିଛି। ଆଜି ବିଜେପି ଆଗାମୀ ପଶ୍ଚିମବଙ୍ଗ ବିଧାନସଭା ନିର୍ବାଚନ ପାଇଁ ୧୪୪ ଜଣ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ କରିଛି। ବିଜେପି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ନିର୍ବାଚନ ମଣ୍ଡଳୀରୁ ନେତା ଶୁଭେନ୍ଦୁ ଅଧିକାରୀଙ୍କୁ ପ୍ରାର୍ଥୀ କରିଛି। ମମତା ବାନାର୍ଜୀ ଭବାନୀପୁରର ବିଧାୟିକା ଅଟନ୍ତି। ଏହି ସିଟରେ ହିଁ ଅଧିକାରୀଙ୍କୁ ଟିକେଟ ଦିଆଯାଇଛି। ସେ ନନ୍ଦିଗ୍ରାମରୁ ମଧ୍ୟ ପ୍ରତିଦ୍ୱନ୍ଦ୍ୱିତା କରିବେ। ଯେଉଁଠାରୁ ସେ ବର୍ତ୍ତମାନର ବିଧାୟକ ଅଛନ୍ତି। ୨୯୪ ବିଧାନସଭା ଆସନ ବିଶିଷ୍ଟ ପଶ୍ଚିମବଙ୍ଗ ବିଧାନସଭା ନିର୍ବାଚନ ଦୁଇଟି ପର୍ଯ୍ୟାୟରେ ଅନୁଷ୍ଠିତ ହେବ। ବିଜେପି ସମସ୍ତ ୧୪୪ ଆସନ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିଛି। ପଶ୍ଚିମବଙ୍ଗ ବିଧାନସଭା ନିର୍ବାଚନରେ, ବିଜେପି ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀଙ୍କୁ ଦୁଇଟି ଆସନ ଭବାନୀପୁର ଏବଂ ନନ୍ଦୀଗ୍ରାମରୁ ପ୍ରାର୍ଥୀ କରିଛି। ଶଙ୍କର ଘୋଷଙ୍କୁ ସିଲିଗୁଡ଼ିରୁ, ଅଶୋକ ଡିଣ୍ଡାଙ୍କୁ ମୋୟନାରୁ ଏବଂ ଅଗ୍ନିମିତ୍ରା ପାଲଙ୍କୁ ଆସନସୋଲ ଦକ୍ଷିଣରୁ ପ୍ରାର୍ଥୀ କରାଯାଇଛି।
Powered by Froala Editor
