ମନ୍ଦିର ଦର୍ଶନ କରି ଫେରୁଥିଲେ, ଖାଇରେ ବସ୍ ଖସି ୭ ମୃତ
ନେପାଳରେ ଯାତ୍ରୀବାହୀ ବସ୍ ଖାଇକୁ ଖସି ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୯ ଜଣ ଆହତ ହୋଇଥିବା ନେଇ ପୁଲିସ ସୂଚନା ଦେଇଛି । ଭାରତୀୟ ତୀର୍ଥଯାତ୍ରୀମାନେ ନେପାଳର ପ୍ରସିଦ୍ଧ ମନକାମନା ମନ୍ଦିର ଦର୍ଶନ କରି ଫେରୁଥିବା ବେଳେ ଏହି ଅଘଟଣ ଘଟିଛି ।
ଦୁର୍ଘଟଣାରେ ମୃତ୍ୟୁବରଣ କରିଥିବା ସମସ୍ତ ୭ ଜଣ ଭାରତୀୟ । ଆହତଙ୍କ ମଧ୍ୟରେ ୭ ଜଣ ଭାରତୀୟ ଯାତ୍ରୀ ଥିଲେ, ଅନ୍ୟ ଦୁଇଜଣ ବସ୍ ଡ୍ରାଇଭର ଏବଂ ତାଙ୍କ ସହାୟକ ଥିଲେ । ଉଭୟ ନେପାଳର ବାସିନ୍ଦା । ମୃତକଙ୍କ ମୃତଦେହର ପାଷ୍ଟମର୍ଟମ କରାଯିବ, ତା\'ପରେ ସେମାନଙ୍କ ମୃତଦେହକୁ ସେମାନଙ୍କ ପରିବାରକୁ ହସ୍ତାନ୍ତର କରାଯିବ ବୋଲି ପୁଲିସ ସୂଚନା ଦେଇଛି ।
ସୂଚନା ଅନୁଯାୟୀ, ବସଟି କାଠମାଣ୍ଡୁରୁ ପ୍ରାୟ ୧୨୦ କିଲୋମିଟର ପଶ୍ଚିମରେ ଥିବା ସହିଦ ଲଖନ ଗାଁ ନିକଟରେ ହାଇୱେରୁ ମନ୍ଦିରକୁ ଯାଉଥିବା ଏକ ପାହାଡିଆ ରାସ୍ତାରେ ଦୁର୍ଘଟଣାଗ୍ରସ୍ତ ହୋଇଥିଲା । ବସ୍ ପାହାଡ଼ିଆ ରାସ୍ତାରୁ ତଳକୁ ଓହ୍ଲାଉଥିବା ବେଳେ ଏକ ମାଡ଼ରେ ନିୟନ୍ତ୍ରଣ ହରାଇଥିଲେ ଡ୍ରାଇଭର । ଫଳରେ ବସଟି ରାସ୍ତାରୁ ୧୫୦ ମିଟର ଖାଇକୁ ଖସିପଡ଼ିଥିଲା । ଦୁର୍ଘଟଣାର ଖବର ପାଇବା ମାତ୍ରେ ସ୍ଥାନୀୟ ପୁଲିସ ଏବଂ ଗ୍ରାମବାସୀ ଘଟଣାସ୍ଥଳରେ ପହଞ୍ଚିଥିଲେ ।
Powered by Froala Editor
