ନୂଆଦିଲ୍ଲୀ: ସାରା ଦେଶରେ ରନ୍ଧନ ଗ୍ୟାସ୍ ଅଭାବ ପରିଲକ୍ଷିତ ହେଉଛି। ଏହାରି ମଧ୍ୟରେ କିନ୍ତୁ ସରକାର ସ୍ପଷ୍ଟ କରିଛନ୍ତି ଯେ ଏଲପିଜି ଗ୍ୟାସ୍‌ ର  ଅଭାବ ନାହିଁ। ଜନସାଧାରଣଙ୍କ ଦୁର୍ଦ୍ଦଶାର ପ୍ରକୃତ କାରଣ ହେଉଛି କଳାବଜାରୀ। ସରକାର ଏହି କଳାବଜାରୀଙ୍କ ବିରୁଦ୍ଧରେ କଠୋର କାର୍ଯ୍ୟାନୁଷ୍ଠାନ ପାଇଁ ମଧ୍ୟ ନିର୍ଦ୍ଦେଶ ଦେଇଛନ୍ତି। କେନ୍ଦ୍ର ସରକାର କହିଛନ୍ତି ଯେ ଦେଶରେ ରନ୍ଧନ ଗ୍ୟାସ୍ ଯୋଗାଣ ସମ୍ପୂର୍ଣ୍ଣ ସ୍ୱାଭାବିକ ଏବଂ ଘରୋଇ ଏଲପିଜି ଉତ୍ପାଦନ ପ୍ରାୟ ୩୦ ପ୍ରତିଶତ ବୃଦ୍ଧି ପାଇଛି। ସରକାର ଦାବି କରୁଛନ୍ତି ଯେ ପେଟ୍ରୋଲ, ଡିଜେଲ ଏବଂ ଗ୍ୟାସ୍ ର ପର୍ଯ୍ୟାପ୍ତ ପରିମାଣରେ ଗଚ୍ଛିତ ଅଛି।  କିନ୍ତୁ ବିରୋଧୀ ଅଭିଯୋଗ କରୁଛନ୍ତି ଯେ  ଅନେକ ସହରରେ ଲୋକମାନେ ସିଲିଣ୍ଡର ପାଇଁ ଲମ୍ବା ଧାଡ଼ିରେ ଠିଆ ହୋଇଥିବା ଦେଖାଯାଉଛି।

ସରକାର ଏହା ମଧ୍ୟ ଦାବି କରୁଛନ୍ତି ଯେ ଦେଶରେ ପର୍ଯ୍ୟାପ୍ତ ପରିମାଣରେ ପେଟ୍ରୋଲ ଏବଂ ଡିଜେଲ ଗଚ୍ଛିତ ଅଛି, ଏବଂ ପ୍ରାୟ ୧ ଲକ୍ଷ ପେଟ୍ରୋଲ ପମ୍ପ ମଧ୍ୟରୁ କୌଣସି ଟିରେ ଇନ୍ଧନ ଅଭାବର ରିପୋର୍ଟ ଆସିନାହିଁ। ପେଟ୍ରୋଲିୟମ ମନ୍ତ୍ରଣାଳୟ ସ୍ପଷ୍ଟ କରିଛି ଯେ ପରିବାର, ହସ୍ପିଟାଲ ଏବଂ ଅତ୍ୟାବଶ୍ୟକୀୟ ପ୍ରତିଷ୍ଠାନ ପାଇଁ ଏଲପିଜି ଯୋଗାଣକୁ ପ୍ରାଥମିକତା ଦିଆଯାଉଛି। ଏହି ସମୟରେ, କଂଗ୍ରେସ, ସମାଜବାଦୀ ପାର୍ଟି ଏବଂ ଅନ୍ୟାନ୍ୟ ବିରୋଧୀ ଦଳଗୁଡ଼ିକ କହିଛନ୍ତି ଯେ ଦେଶର ଅନେକ ସ୍ଥାନରେ ଲୋକମାନେ ଗ୍ୟାସ୍ ଅଭାବରୁ କଷ୍ଟ ପାଉଛନ୍ତି । ଅନେକ ସହରରେ, ଲୋକମାନେ ଏଲପିଜି ସିଲିଣ୍ଡର ପାଇଁ ଲମ୍ବା ଧାଡ଼ିରେ ଠିଆ ହୋଇଥିବା ଦେଖାଯାଉଛି। 

Powered by Froala Editor