ଭାରତରେ LPG ସିଲିଣ୍ଡର ସଙ୍କଟର ରିପୋର୍ଟ ଆସୁଛି । ଏହାରି ଭିତରେ କେନ୍ଦ୍ର ସରକାର ଦେଶବ୍ୟାପୀ ESMA ବା ପ୍ରାଥମିକ ସେବା ରକ୍ଷଣାବେକ୍ଷଣ ଆଇନ ଲାଗୁ କରାଯାଇଛି। ଘରୋଇ ରନ୍ଧନ ଗ୍ୟାସ (LPG)ର ନିରବଚ୍ଛିନ୍ନ ଯୋଗାଣ ସୁନିଶ୍ଚିତ କରିବା ପାଇଁ, ସରକାର ଅତ୍ୟାବଶ୍ୟକୀୟ ସାମଗ୍ରୀ (ESMA) ଆଇନ ଲାଗୁ କରିଛନ୍ତି । ଏହା ରିଫାଇନାରୀ ଏବଂ ପେଟ୍ରୋକେମିକାଲ୍ ୟୁନିଟଗୁଡ଼ିକୁ LPG ଉତ୍ପାଦନକୁ ସର୍ବାଧିକ କରିବା ଏବଂ ପ୍ରମୁଖ ହାଇଡ୍ରୋକାର୍ବନ ଉତ୍ସଗୁଡ଼ିକୁ ଏଲପିଜି ପୁଲକୁ ପଠାଇବା ପାଇଁ ନିର୍ଦ୍ଦେଶ ଦେଇଛନ୍ତି ।

ଏସମା ଅର୍ଥାତ୍ ଅତ୍ୟାବଶ୍ୟକ ସେବା ରକ୍ଷଣାବେକ୍ଷଣ ଆଇନ ହେଉଛି ଭାରତର ସଂସଦ ଦ୍ୱାରା ୧୯୬୮ ମସିହାରେ ପ୍ରଣୀତ ଏକ ଆଇନ । ଏହାର ଉଦ୍ଦେଶ୍ୟ ହେଉଛି ଏପରି ଅତ୍ୟାବଶ୍ୟକ ସେବାର ଯୋଗାଣ ସୁନିଶ୍ଚିତ କରିବା, ଯେଉଁଥିରେ ବାଧା ଉପୁଜିବା ସାଧାରଣ ଲୋକଙ୍କ ଦୈନନ୍ଦିନ ଜୀବନକୁ ପ୍ରଭାବିତ କରିପାରେ । ଏହି ଆଇନ ମାଧ୍ୟମରେ, ସରକାର ନିଶ୍ଚିତ କରନ୍ତି ଯେ ଅତ୍ୟାବଶ୍ୟକ ସେବାଗୁଡ଼ିକ କୌଣସି ବାଧା ବିନା ଜାରି ରହିବ। ଏହି ଆଇନ ଅନୁଯାୟୀ, କିଛି ଅତ୍ୟାବଶ୍ୟକ ସେବାରେ କାର୍ଯ୍ୟରତ କର୍ମଚାରୀମାନଙ୍କୁ ଧର୍ମଘଟ କିମ୍ବା କାମ କରିବାକୁ ମନା କରିବାର ଅନୁମତି ନାହିଁ । ଏହାକୁ ସର୍ବାଧିକ ୬ ମାସ ଲାଗୁ କରାଯାଇପାରେ ।

ଇରାନ-ଇସ୍ରାଏଲ ଏବଂ ଆମେରିକା ବିବାଦ ମଧ୍ୟରେ ଘରୋଇ ଗ୍ୟାସ ଯୋଗାଣ ଯେପରି ବାଧାପ୍ରାପ୍ତ ନ ହୁଏ ତାହା ସୁନିଶ୍ଚିତ କରିବା ପାଇଁ ସରକାର କାର୍ଯ୍ୟ କରୁଛନ୍ତି । କେନ୍ଦ୍ର ସରକାର ପ୍ରାକୃତିକ ଗ୍ୟାସ (ଯୋଗାଣ ନିୟନ୍ତ୍ରଣ) ଅର୍ଡର,୨୦୨୬ ଜାରି କରିଛନ୍ତି, ଯାହାର ଲକ୍ଷ୍ୟ ଘରୋଇ ପ୍ରାକୃତିକ ଗ୍ୟାସ ଯୋଗାଣ ସୁନିଶ୍ଚିତ କରିବା ଏବଂ ପ୍ରାଥମିକତା କ୍ଷେତ୍ରଗୁଡ଼ିକୁ ପର୍ଯ୍ୟାପ୍ତ ବଣ୍ଟନ ବଜାୟ ରଖିବା । ଏହି ଆଦେଶ ସରକାରୀ ଗେଜେଟରେ ପ୍ରକାଶନ ତାରିଖରୁ କାର୍ଯ୍ୟକାରୀ ହେବ ।

Powered by Froala Editor