ଅନ୍ଲାଇନ୍ ଗେମ୍ ନିଶା, ୯ ମହଲାରୁ ଡେଇଁଲେ ୩ ଭଉଣୀ
ଉତ୍ତର ପ୍ରଦେଶର ଗାଜିଆବାଦରୁ ଏକ ଅଭାବନୀୟ ଘଟଣା ସାମ୍ନାକୁ ଆସିଛି। ତିନି ଜଣ ନାବାଳିକା ଭଉଣୀ ଏକ କୋଠାର ୯ମ ମହଲାରୁ ଡେଇଁ ପଡ଼ି ମୃତ୍ୟୁବରଣ କରିଛନ୍ତି। ଆପାର୍ଟମେଣ୍ଟର ନବମ ମହଲାରୁ ଡେଇଁ ୩ ଭଉଣୀ ଜୀବନ ହାରିଛନ୍ତି । ସମସ୍ତଙ୍କ ବୟସ ୧୨, ୧୪ ଏବଂ ୧୬ ବର୍ଷ । କୋରିଆନ୍ ଲଭ୍ ଗେମ୍ ନାମକ ଅନଲାଇନ୍ ଟାସ୍କରେ ମାତିଥିଲେ ୩ ଭଉଣୀ । ଅନଲାଇନ୍ ଗେମ୍ ପାଇଁ ସବୁଦିନ ସ୍କୁଲ ମଧ୍ୟ ଯାଉ ନଥିଲେ । ଅନଲାଇନ୍ ଗେମ୍ରୁ ନିବୃତ୍ତ ରହିବାରୁ ବାପା ମା' ଆକଟ କରିବାରୁ ଏପରି ଚରମ ନିଷ୍ପତ୍ତି ନେଇଛନ୍ତି ୩ ନାବାଳିକା ଉଭଣୀ । ଉତ୍ତରପ୍ରଦେଶ ଗାଜିଆବାଦରେ ଘଟିଥିବା ଏହି ଘଟଣା ଚାଞ୍ଚଲ୍ୟ ଖେଳାଇ ଦେଇଛି।
ଟିଲା ମୋଡ ଥାନା ଅଞ୍ଚଳ ଅନ୍ତର୍ଗତ ଭାରତ ସିଟି ସୋସାଇଟିରେ ଏହି ଘଟଣା ଘଟିଛି। ତିନି ଜଣ ରାତି ୨ଟାରେ ଏହି ଭୟଙ୍କର ପଦକ୍ଷେପ ନେଇଥିଲେ। ସେମାନେ ଅନଲାଇନ ଟାସ୍କ-ଭିତ୍ତିକ ଖେଳ କୋରିଆନ ଲଭ ଗେମ୍ ଖେଳୁଥିବାର ଜଣାପଡ଼ିଥିଲା। ଆତ୍ମହତ୍ୟା ପରେ ଅଞ୍ଚଳରେ ଆତଙ୍କ ଖେଳିଯାଇଛି।
ଏହା ମଧ୍ୟ କୁହାଯାଉଛି ଯେ, ତିନି ଭଉଣୀ ଗାଧୋଇବା, ଖାଇବା, ସ୍କୁଲ ଯିବା ଏବଂ ଶୋଇବା ସମେତ ସବୁକିଛି ଏକାଠି କରୁଥିଲେ। ସେମାନେ ସବୁବେଳେ ଏକାଠି ରହୁଥିଲେ। ସେମାନଙ୍କ ମୃତ୍ୟୁରେ ପରିବାର ମର୍ମାହତ।
ତିନି ଭଉଣୀ ପିତା ଚେତନ କୁମାର କହିଛନ୍ତି, COVID-19 ମହାମାରୀ ସମୟରେ ତିନି ଝିଅ ମୋବାଇଲ ଗେମ ପ୍ରତି ଏକପ୍ରକାର ନିଶାଗ୍ରସ୍ତ ହୋଇଯାଇଥିଲେ। ତିନି ଜଣ ଟାର୍ଗେଟ ଗେମ ଖେଳିଥିଲେ। କିନ୍ତୁ ଆମେ ଜାଣିନାହୁଁ ଯେ, ସେମାନେ ଏପରି କାହିଁକି କରିଥିଲେ। ପୋଲିସ ଅନୁଯାୟୀ, ସେମାନଙ୍କର ସ୍କୁଲ ପାଠପଢ଼ା ନିୟମିତ ନ ଥିଲା। ସ୍ଥାନୀୟ ଲୋକମାନେ କହିଛନ୍ତି ଯେ, ବିଳମ୍ବିତ ରାତିରେ ଏକ ଜୋରରେ ଶବ୍ଦ ଶୁଣି ସେମାନେ ସମସ୍ତେ ବାହାରକୁ ଆସିଥିଲେ। ଡିଜିଟାଲ କାର୍ଯ୍ୟକଳାପ, ନିକଟବର୍ତ୍ତୀ ସିସି ଟିଭି ଫୁଟେଜ ଏବଂ ମୋବାଇଲ ଫୋନ ଡାଟାର ଫରେନସିକ ଯାଞ୍ଚ କରାଯିବ।
Powered by Froala Editor
