ଭୁବନେଶ୍ବର : ମହାନଦୀ ବିବାଦର ସମାଧାନ ନେଇ ଆଜି ବସିବ ଉଚ୍ଚସ୍ତରୀୟ କମିଟି ବୈଠକ। କମିଟି ଅଧ୍ୟକ୍ଷ ତଥା ଉପମୁଖ୍ୟମନ୍ତ୍ରୀ କେଭି ସିଂଦେଓ ବରିଷ୍ଠ ଅଧିକାରୀଙ୍କ ସହ ଆଲୋଚନା କରିବେ । ଆଗକୁ ସରକାର କ’ଣ ପଦକ୍ଷେପ ନେବେ । ରାଜ୍ୟ ସରକାର ବିବାଦକୁ ନେଇ ଆଭିମୁଖ୍ୟ ସ୍ପଷ୍ଟ କରନ୍ତୁ ବୋଲି ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ୟ୍ୟ ଦାବି କରିଥିଲେ । ମହାନଦୀ ଓଡିଶାର ଜୀବନ ସ୍ରୋତ। ଗତ କିଛି ଦଶନ୍ଧି ହେଲା ମହାନଦୀର ଜୀବନସ୍ରୋତକୁ ସଂକୁଚିତ କରି ବିକଳାଙ୍ଗ କରିଦେବାର ହୀନ ଚକ୍ରାନ୍ତ ସମଗ୍ର ଓଡିଶାବାସୀଙ୍କ ପାଇଁ କଷ୍ଟଦାୟକ ହୋଇପଡିଛି। ଏହାର ଆର୍ତ ଚିତ୍କାର ନା କେନ୍ଦ୍ର ସରକାର ଶୁଣୁଛନ୍ତି ନା ଛତିଶଗତ ସରକାର। ଓଡିଶାର ବିନା ସହମତିରେ ଛତିଶଗଡ ସରକାର ମହାନଦୀ ଉପରେ ଅତ୍ୟାଚାର କରୁଛନ୍ତି । କେନ୍ଦ୍ର ସରକାର ନୀରବଦ୍ରଷ୍ଟା ସାଜିଛନ୍ତି । ମହାନଦୀର ଉପରମୁଣ୍ଡରେ ବ୍ୟାରେଜ ପରେ ବ୍ୟାରେଜ ନିର୍ମାଣ କରି ମହାନଦୀର ଜଳସ୍ରୋତକୁ ନିଜ ଅଧିନରେ ରଖିଛି ଛତିଶଗଡ଼। କେନ୍ଦ୍ର ସରକାର ଓ କେନ୍ଦ୍ରୀୟ ଜଳ ଆୟୋଗ ମଧ୍ୟ ନୀରବଦ୍ରଷ୍ଟା ସାଜିଛନ୍ତି।
ଓଡିଶାର ମହାନଦୀ ଦିନେ ବର୍ଷତମାମ ଚଳଚଂଚଳ ଓ ଜଳ ପରିପୂର୍ଣ ରହୁଥୁଲା ତାହା ଆଜି ଶୁଷ୍କ ହୋଇଯାଇଛି। ରାଜ୍ୟ ରାଜକୋଷରୁ କୋଟି କୋଟି ଟଙ୍କା ଖର୍ଚ୍ଚ ହେଉଛି କିନ୍ତୁ ପ୍ରଗତି ନୈରାଶ୍ୟଜନକ । ବିବାଦର ସମାଧାନ ଲାଗି ଆଉ କେତେ ଦିନ ଲାଗିବ ବୋଲି ପଚାରିଥିଲେ ବିରୋଧୀ ଦଳ ଉପନେତା ପ୍ରସନ୍ନ ଆଚାର୍ୟ୍ୟ । ସରକାରଙ୍କୁ ପଚାରିଥିଲେ ୫ ପ୍ରଶ୍ନ ।

Powered by Froala Editor