ବଲିଉଡରେ ଗୋଟିଏ ଅଶୁଭ ଖବର ସାମ୍ନାକୁ ଆସୁଛି । ଜଣାଶୁଣା ବଲିଉଡ଼ ଭେଟେରାନ୍ ଅଭିନେତ୍ରୀ କାମିନୀ କୌଶଲଙ୍କ ପରଲୋକ ହୋଇଛି । ୯୮ ବର୍ଷ ବୟସରେ ମୁମ୍ବାଇ ସ୍ଥିତ ବାସଭବନରେ ଶେଷ ନିଶ୍ୱାସ ତ୍ୟାଗ କରିଛନ୍ତି କାମିନୀ ।

ଅଭିନେତ୍ରୀଙ୍କ ବନ୍ଧୁ ସାଜନ ନାରାୟଣ ଏହି ଦୁଃଖଦ ଖବର ସମ୍ପର୍କରେ ସୂଚନା ଦେଇ କହିଛନ୍ତି, "କମିନୀଙ୍କ ଗୁରୁବାର ବିଳମ୍ବିତ ରାତିରେ ତାଙ୍କ ମୁମ୍ବାଇ ବାସଭବନରେ ପରଲୋକ ହୋଇଛି। ଆଗାମୀ ଫେବୃଆରିରେ ସେ ୯୯ ବର୍ଷ ବୟସରେ ପ୍ରଦାର୍ପଣ କରିଥାଆନ୍ତେ। ମୃତ୍ୟୁ ସମୟରେ କାମିନୀଙ୍କ  ପାଖରେ ତାଙ୍କର ତିନି ପୁଅ ଶ୍ରବଣ, ବିଦୁର ଏବଂ ରାହୁଲ ଉପସ୍ଥିତ ଥିଲେ।

କାମିନୀଙ୍କର ଜନ୍ମ ଲାହୋରରେ ହୋଇଥିଲା। ତାଙ୍କ ବାପା ପ୍ରଫେସର ଶିବରାମ କାଶ୍ୟପ ଲାହୋରସ୍ଥିତ ପଞ୍ଜାବ ୟୁନିଭର୍ସିଟିର ବୋଟାନି ପ୍ରଫେସର ଥିଲେ।କାମିନୀଙ୍କୁ ସାତବର୍ଷ ବୟସ ହୋଇଥିବାବେଳେ ତାଙ୍କ ବାପାଙ୍କର ଦେହାନ୍ତ ଘଟିଥିଲା। କାମିନୀ ଲାହୋରରୁ ଇଂଲିଶ ସାହିତ୍ୟରେ ସ୍ନାତକ ଡିଗ୍ରୀ ହାସଲ କରିଥିଲେ।  କାମିନୀଙ୍କର ଅଭିନେତ୍ରୀ ହେବାର କୌଣସି ସ୍ବପ୍ନ ନ ଥିଲା। ସମୟକ୍ରମେ ସେ ଆକାଶବାଣୀରେ ଅଭିନୟ କରିବା ଆରମ୍ଭ କରିଥିଲେ। ପୁଣି କଲେଜରେ ଡ୍ରାମା କରୁଥିଲେ।  ସୁଦଙ୍କୁ ବିବାହ କରି ମୁମ୍ବାଇ ଆସିବା ପରେ ଚେତନ ଆନନ୍ଦ ହିଁ କାମିନୀଙ୍କୁ ପ୍ରଥମେ ଫିଲ୍ମ ଅଫର କରିଥିଲେ। ତାହା ଥିଲା ‘ନୀଚା ନଗର’।

କାମିନୀ କୌଶଲ ହିନ୍ଦୀ ସିନେମାର ଜଣେ ପ୍ରମୁଖ ଅଭିନେତ୍ରୀ ଥିଲେ, ଯିଏ ୧୯୪୦ ରୁ ୧୯୬୦ ଦଶକ ପର୍ଯ୍ୟନ୍ତ ମୁଖ୍ୟ ଭୂମିକାରେ ଅଭିନୟ କରିଥିଲେ । ଏହି ସମୟରେ ସେ ଦିଲୀପ କୁମାର ଏବଂ ଦୀନ ଆନନ୍ଦଙ୍କ ଅଭିନୟ କରିଥିଲେ । ତାଙ୍କ ବିୟୋଗ ଖବରକୁ ନେଇ ବଲିଉଡରେ ଶୋକର ଛାୟା ଖେଳିଯାଇଛି।

Powered by Froala Editor