ବର୍ତ୍ତମାନ ଦକ୍ଷିଣ ଭାରତୀୟ ଫିଲ୍ମ(ତେଲୁଗୁ ଓ ତାମିଲ)ସୁଟିଂ ପାଇଁ କୋରାପୁଟ ଜିଲ୍ଲାରେ  ନିର୍ମାତା, ନିର୍ଦ୍ଦେଶକ, କଳାକାରଙ୍କ ଭିଡ଼  ଜମୁଛି । ନିକଟରେ ଫିଲ୍ମ ନିର୍ଦ୍ଦେଶକ ଏସଏସ ରାଜାମୌଲି ଏସଏସବିଏମ ୨୯ ସୁଟିଂ ପାଇଁ ଅଭିନେତା ମହେଶ ବାବୁ ଓ ଅଭିନେତ୍ରୀ  ପ୍ରିୟଙ୍କା ଚୋପ୍ରା ସହିତ କୋରାପୁଟ ଆସିଥିଲେ । ବର୍ତ୍ତମାନ ନକ୍ସଲଙ୍କ ଜୀବନଧାରା ଉପରେ ତେଲୁଗୁ  ଫିଲ୍ମ ‘କମ୍ରେଡ କଲ୍ୟାଣ’ର ସୁଟିଂ ଚାଲିଛି।

ଏହି ଫିଲ୍ମର ନିର୍ଦ୍ଦେଶକ  ଜାନକୀ ରାମ ମାରେଲା, ନିର୍ମାତା ଭେଙ୍କଟ  କ୍ରିଷ୍ଣା ରହିଥିବା ବେଳେ ମୁଖ୍ୟ ଚରିତ୍ର ତଥା  ନାୟକ ଭାବେ ତେଲଗୁ ଷ୍ଟାର ଶ୍ରୀବିଷ୍ଣୁ ଓ  ନାୟିକା ଭାବେ ମାଲାୟଲମ ଅଭିନେତ୍ରୀ  ମହିମା ନାମ୍ବିଆର ଅଭିନୟ କରୁଛନ୍ତି । ନକ୍ସଲଙ୍କ ଜୀବନ ଉପରେ ଆଧାରିତ ଏହି  ଫିଲ୍ମ ଦେଓମାଳି, ତଳମାଳି, କାଳିଆମାଳି,  ଜୟପୁର, ସେମିଳିଗୁଡ଼ା, କୋରାପୁଟ  ଜଗନ୍ନାଥ ମନ୍ଦିର, ଡୁଡୁମା ଆଦି ବିଭିନ୍ନ  ସ୍ଥାନରେ ଏହି ଫିଲ୍ମ କମ୍ରେଡ କଲ୍ୟାଣର  ସୁଟିଂ ଚାଳିଛି ।

ଆଗକୁ ପ୍ରାୟ ୧୦/୧୨ ଦିନ ଧରି  ଜିଲ୍ଲାର ବିଭିନ୍ନ ସ୍ଥାନରେ ସୁଟିଂ ହେବ ବୋଲି  ପ୍ରଯୋଜନା ସଂସ୍ଥାକୁ ସହଯୋଗ କରୁଥିବା  ସେମିଳିଗୁଡ଼ାର ଯୁବକ ଗୌତମ କହିଛନ୍ତି । ଫିଲ୍ମରେ ମୁଖ୍ୟ ଅଭିନେତା ଓ ଅଭିନେତ୍ରୀଙ୍କ  ସହିତ କେତେକ ସିନ୍‌ରେ ସ୍ଥାନୀୟ ଯୁବକ  ଯୁବତୀଙ୍କୁ ଅଭିନୟର ସୁଯୋଗ ଦେଉଛି  ଫିଲ୍ମ ପ୍ରଯୋଜନା ସଂସ୍ଥା ।

Powered by Froala Editor