ଭୋଜପୁରୀ ସୁପରଷ୍ଟାର ପବନ ସିଂହ ଅଭିନେତ୍ରୀ ଅଞ୍ଜଳି ରାଘବଙ୍କୁ ଅଶାଳୀନ ଭାବେ ସ୍ପର୍ଶ କରି ବିବାଦକୁ ଆସିଯାଇଥିଲେ। ଅଞ୍ଜଲି ଫ୍ୟାନ୍ସଙ୍କ ସହ କଥା ହେବା ବେଳେ ଅଞ୍ଜଲିଙ୍କ ଅଣ୍ଟାରେ ବାରମ୍ବାର ହାତ ମାରୁଥିଲେ ପବନ। ପବନ ସିଂହଙ୍କ ଏଭଳି କାର୍ଯ୍ୟ ସୋସିଆଲ ମିଡିଆରେ ଭାଇରାଲ ହେଉଛି।

ପବନ ସିଂ ଅଭିନେତ୍ରୀ ଅଞ୍ଜଲି ରାଘବଙ୍କୁ ଭୁଲ ସ୍ଥାନରେ ହାତ ମାରିଥିଲେ। ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେଉଛି। ୟୁଜର ଅଭିନେତାଙ୍କୁ ନାନା କଥା କହୁଥିବା ବେଳେ ଅଭିନେତ୍ରୀଙ୍କୁ ମଧ୍ୟ କହିଛନ୍ତି। ଯେଉଁଥି ପାଇଁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏନେଇ ମୁହଁ ଖୋଲିଛନ୍ତି ଅଞ୍ଜଲି।

ଏହି ଘଟଣା 'ସୈୟାଁ ସେବା କରେ' ଗୀତର ପ୍ରମୋସନ ସମୟରେ ଘଟିଥିଲା। ପ୍ରଥମେ ଏହି ଘଟଣାକୁ ବିରୋଧ କରିଥିବା ଅଭିନେତ୍ରୀ ଏବେ ପବନଙ୍କୁ କ୍ଷମା କରି ଦେଇଥିବା କହିଛନ୍ତି। ଘଟଣା ଘଟିବା ପରେ ଲାଇଭ୍ ଭିଡିଓ କରି ଅଞ୍ଜଳି କହିଥିଲେ ଯେ, ଏହି ଘଟଣା ପରେ ମୋତେ ଗଭୀର ଆଘାତ ଲାଗିଛି। ଆଗକୁ ମୁଁ ଭୋଜପୁରୀ ଇଣ୍ଡଷ୍ଟ୍ରିରେ କାମ କରିବି ନାହିଁ।

ଏହାର ଜବାବରେ କ୍ଷମା ମାଗି ପବନ ସିଂହ ଇନଷ୍ଟାରେ ଷ୍ଟାଟସ ରଖିଥିଲେ ଯେ, ‘ଅଞ୍ଜଳିଜୀ, ମୋର ବ୍ୟସ୍ତତା ଯୋଗୁଁ ମୁଁ ଆପଣଙ୍କର ଲାଇଭ୍ ଦେଖିପାରିଲି ନାହିଁ। ଯେତେବେଳେ ମୁଁ ଏହା ଜାଣିବାକୁ ପାଇଲି, ମୋତେ ବହୁତ ଖରାପ ଲାଗିଲା। ଆପଣଙ୍କ ପ୍ରତି ମୋର କୌଣସି ଖରାପ ଉଦ୍ଦେଶ୍ୟ ନଥିଲା। ଯଦି ମୋର କୌଣସି ଆଚରଣ ଦ୍ୱାରା ଆପଣ ଆଘାତ ପାଇଛନ୍ତି, ତେବେ ମୁଁ ସେଥିପାଇଁ କ୍ଷମା ପ୍ରାର୍ଥନା କରୁଛି।’

ଏହା ଦେଖି ଅଞ୍ଜଳି ପ୍ରତିକ୍ରିୟା ଦେଇଛନ୍ତି। ଜବାବରେ ସେ ଲେଖିଛନ୍ତି, 'ପବନ ସିଂହଜୀ ତାଙ୍କ ଭୁଲ ପାଇଁ କ୍ଷମା ମାଗିଛନ୍ତି। ମୁଁ ଏହି ଘଟଣାକୁ ଆଉ ଆଗକୁ ନେବାକୁ ଚାହୁଁନାହିଁ।'

Powered by Froala Editor