୨୦୨୩ ମସିହାରେ ଆଟଲିଙ୍କ ନିର୍ଦ୍ଦେଶିତ ବ୍ଲକବଷ୍ଟର ଫିଲ୍ମ 'ଜୱାନ'ରେ ବଲିଉଡର ବାଦଶାହା ଶାହରୁଖ ଖାନଙ୍କର ଚମତ୍କାର ଅଭିନୟ ପାଇଁ ଶ୍ରେଷ୍ଠ ଅଭିନେତା ଭାବେ ଜାତୀୟ ପୁରସ୍କାର ପାଇବାକୁ ମନୋନୀତ ହୋଇଛନ୍ତି।  ତେବେ ଦୀର୍ଘ ୩୩ବର୍ଷର କ୍ୟାରିୟରରେ ଅନେକ ବ୍ଲକ୍‌ବଷ୍ଟର ଫିଲ୍ମ ଦେଇଥିଲେ ବି ଜାତୀୟ ପୁରସ୍କାର ପାଇବାକୁ ହକ୍‌ଦାର ହୋଇପାରିନଥିଲେ ଶାହାରୁଖ। ଶାହରୁଖ ଖାନଙ୍କୁ ୩୩ବର୍ଷର କ୍ୟାରିଅରରେ ପ୍ରଥମ ଜାତୀୟ ପୁରସ୍କାର ମିଳିଛି।

ଏତେ ବର୍ଷ ପରେ ସ୍ବପ୍ନ ସାକାର ହେବା ଦେଖି ସେ ଖୁସି ବ୍ୟକ୍ତ କରିଛନ୍ତି। ପ୍ରତିକ୍ରିୟା ଦେଇ ସେ କହିଛନ୍ତି ଯେ, "ଜାତୀୟ ପୁରସ୍କାରରେ ମୋତେ ସମ୍ମାନିତ କରିଥିବାରୁ ଧନ୍ୟବାଦ। ଜୁରି ଏବଂ ସୂଚନା ଓ ପ୍ରସାରଣ ମନ୍ତ୍ରାଳୟକୁ ଧନ୍ୟବାଦ। ଏହି ସମ୍ମାନ ପାଇଁ ଭାରତ ସରକାରଙ୍କୁ ଧନ୍ୟବାଦ।"

କିଙ୍ଗ ଖାନ ଏହି ସମ୍ମାନ ବିକ୍ରାନ୍ତ ମାସିଙ୍କ ସହ ଶେୟାର କରିଛନ୍ତି, ଯିଏ ବିଧୁ ବିନୋଦ ଚୋପ୍ରାଙ୍କ ‘12th ଫେଲ’ରେ ତାଙ୍କ ଭୂମିକା ପାଇଁ ଏହି ପୁରସ୍କାର ପାଇଛନ୍ତି। ଏବେ ଜାତୀୟ ପୁରସ୍କାର ବିଜେତା ଶାହରୁଖ ଖାନ ଏକ ଭିଡିଓ ଶେୟାର କରିଛନ୍ତି ଯେଉଁଥିରେ ତାଙ୍କ ହାତ ପ୍ଲାଷ୍ଟର ହୋଇଥିବା ଦେଖାଯାଉଛି। ଏହି ଭିଡିଓରେ, ସୁପରଷ୍ଟାର ଜାତୀୟ ପୁରସ୍କାର ପାଇବା ପରେ ଭାରତ ସରକାର, ଜୁରି, ତାଙ୍କ ଟିମ୍‌, ପ୍ରଶଂସକ ଏବଂ ପରିବାରକୁ ଧନ୍ୟବାଦ ଜଣାଇଛନ୍ତି।

ଏହି କ୍ୟାପସନ ସହ ସେ ସେୟାର କରିଥିବା ଭିଡିଓରେ କହିଛନ୍ତି ଯେ, "ମୁଁ ୨୦୨୩ବର୍ଷ ପାଇଁ ବିଶେଷକରି ମୋର ସମସ୍ତ ନିର୍ଦ୍ଦେଶକ ଏବଂ ଲେଖକଙ୍କୁ ଧନ୍ୟବାଦ ଦେବାକୁ ଚାହୁଁଛି। ତେଣୁ, ରାଜୁ ସାର୍, ସିଡ୍ ଏବଂ ବିଶେଷକରି ଆଟଲି ସାର୍ ଏବଂ ତାଙ୍କ ଦଳଙ୍କୁ ତାଙ୍କ ଫିଲ୍ମ 'ଜୱାନ'ରେ ମୋତେ ସୁଯୋଗ ଦେଇଥିବାରୁ ଏବଂ ମୋ ଉପରେ ବିଶ୍ୱାସ କରିଥିବାରୁ ଧନ୍ୟବାଦ। " 

Powered by Froala Editor