ବାଂଲାଦେଶ, ଚୀନ ଓ ପାକିସ୍ତାନ ପକ୍ଷରୁ ତ୍ରିପକ୍ଷୀୟ ବୈଠକ
ନୂଆଦିଲ୍ଲୀ : ବାଂଲାଦେଶ, ଚୀନ ଓ ପାକିସ୍ତାନ ପକ୍ଷରୁ ତ୍ରିପକ୍ଷୀୟ ସହଯୋଗ ଉପରେ ବିସ୍ତୃତ ଭାବରେ ଚର୍ଚ୍ଚା ହୋଇଥିବା ଖବର ସାମ୍ନାକୁ ଆସିଛି । ୩ଟି ଦେଶ ଭଲ ପଡୋଶୀ, ପରସ୍ପର ଉପରେ ଭରସା, ସମାନତା ଆଦି ଆଧାରରେ ଆଗକୁ ବଢିବା ପାଇଁ ସହମତି ପ୍ରକାଶ କରିଥିବା ନେଇ ସୂଚନା ମିଳିଛି । ଏହା ପ୍ରଥମ ସୁଯୋଗ ଥିଲା ଯେଉଁଥିରେ ଚୀନ ଏଭଳି ଭାବରେ ତ୍ରିପକ୍ଷୀୟ ବୈଠକରେ ପାକିସ୍ତାନ ଓ ବାଂଲାଦେଶର ବିଦେଶ ସଚିବଙ୍କ ସହ ଆଲୋଚନାରେ ରହିଛି।
ଏହି ସମ୍ପୂର୍ଣ୍ଣ ପ୍ରସଙ୍ଗରେ ଚୀନ୍ ବୈଦେଶିକ ମନ୍ତ୍ରଣାଳୟ ପକ୍ଷରୁ ଏକ ସରକାରୀ ବିବୃତ୍ତି ଜାରି କରାଯାଇଛି। କୁହାଯାଇଛି ଗୁରୁବାର ଚୀନ୍ର ୟୁନାନ୍ ପ୍ରଦେଶର କୁନମିଂରେ ଅନୁଷ୍ଠିତ ଏହି ପ୍ରଥମ ବୈଠକରେ ବୈଦେଶିକ ସଚିବମାନେ ବାଣିଜ୍ୟ, ନିବେଶ, ସ୍ୱାସ୍ଥ୍ୟ, ଶିକ୍ଷା ଏବଂ ସାମୁଦ୍ରିକ ବ୍ୟାପାର ଭଳି ଅନେକ କ୍ଷେତ୍ରରେ ତ୍ରିପାକ୍ଷିକ ସହଯୋଗ ବୃଦ୍ଧି କରିବାକୁ ସହମତ ହୋଇଛନ୍ତି। ଚୀନ୍ ଏହାର ବିବୃତ୍ତିରେ ଏହା ମଧ୍ୟ କହିଛି ଯେ ତିନି ଦେଶ ପ୍ରକୃତ ବହୁପାକ୍ଷିକତା ଏବଂ ଖୋଲା ଆଞ୍ଚଳିକତାକୁ ଅନୁସରଣ କରନ୍ତି ଏବଂ ଏହାକୁ କୌଣସି ‘ତୃତୀୟ ପକ୍ଷ’ ଉପରେ ନିର୍ଦ୍ଦେଶିତ ବୋଲି ବିବେଚନା କରାଯିବା ଉଚିତ୍ ନୁହେଁ। କୁହାଯାଉଛି ଯେ ତୃତୀୟ ପକ୍ଷ ଦ୍ୱାରା ଚୀନ୍ ଭାରତକୁ ଇଙ୍ଗିତ କରୁଥିଲା।
Powered by Froala Editor
