୧୦ରୁ ନାଗପୁର ପେଟ୍ରୋଲ ପମ୍ପରେ ଡିଜିଟାଲ ପେମେଣ୍ଟ ହେବନି
ମେ ୧୦ରୁ ମହାରାଷ୍ଟ୍ରର ନାଗପୁରରେ ପେଟ୍ରୋଲ ପମ୍ପଗୁଡ଼ିକରେ ଡିଜିଟାଲ ପେମେଣ୍ଟ ଗ୍ରହଣ କରାଯିବ ନାହିଁ। ପେଟ୍ରୋଲିୟମ ଆସୋସିଏସନ ଏହି ନିଷ୍ପତ୍ତି ଗ୍ରହଣ କରିଛି। ନେସନାଲ ସାଇବର କ୍ରାଇମ ପୋର୍ଟାଲ ଏକ ପେଟ୍ରୋଲ ପମ୍ପ ମାଲିକଙ୍କର ଖାତା ବ୍ଲକ କରିଦେଇଛି। ଏହା ପରେ ଏହି ନିଷ୍ପତ୍ତି ନିଆଯାଇଛି।
ସାଇବର ଅପରାଧୀମାନେ ପେଟ୍ରୋଲ ପମ୍ପ ମାଲିକଙ୍କ ବ୍ୟାଙ୍କ ଆକାଉଣ୍ଟରେ ଠକେଇ କରିଥିଲେ। ଏହି କାରଣରୁ ତାଙ୍କ ଆକାଉଣ୍ଟକୁ ବ୍ଲକ୍ କରାଯାଇଛି। ଆକାଉଣ୍ଟଟି ବ୍ଲକ ହେବା ପରେ ମାଲିକ ଅନଲାଇନ୍ ପେମେଣ୍ଟ ଗ୍ରହଣ ନକରିବାକୁ ନିଷ୍ପତ୍ତି ନେଇଛନ୍ତି।
ସଂପୃକ୍ତ ପେଟ୍ରୋଲ ପମ୍ପ ଡିଲର ଆସୋସିଏସନର ଅଧ୍ୟକ୍ଷ ଅମିତ ଗୁପ୍ତା କହିଛନ୍ତି ଯେ, ଆମେ ଏହି ନିଷ୍ପତ୍ତି ଗ୍ରହଣ କରିଛୁ ଯେ, ମେ’ ୧୦ ତାରିଖ ପରଠାରୁ ଏହି ଟାଙ୍କିରେ ଡିଜିଟାଲ ପେମେଣ୍ଟ ସ୍ୱୀକାର କରାଯିବ ନାହିଁ।
ସାରା ଦେଶରେ ଡିଜିଟାଲ ଇଣ୍ଡିଆ ଅଭିଯାନ ମାଧ୍ୟମରେ, ନାଗରିକମାନେ ଡିଜିଟାଲ ମାଧ୍ୟମରେ କାରବାର କରିବାକୁ ଅଧିକ ପସନ୍ଦ କରୁଛନ୍ତି। ଏହି ସମୟରେ, ନାଗପୁରର ବିଦର୍ଭ ପେଟ୍ରୋଲିୟମ୍ ଡିଲର୍ସ ଆସୋସିଏସନର ନିଷ୍ପତ୍ତି ଯୋଗୁଁ, ନାଗପୁରର ନାଗରିକମାନଙ୍କୁ ସମସ୍ୟାର ସମ୍ମୁଖୀନ ହେବାକୁ ପଡ଼ିପାରେ।
Powered by Froala Editor
