ମହାକୁମ୍ଭକୁ ଓଡ଼ିଶାରୁ ଯାଉଥିଲେ, ବିହାରରେ ଦୁର୍ଘଟଣା : ୩୫ ଆହତ
ତୀର୍ଥରାଜ ‘ପ୍ରୟାଗରାଜ’ରେ ଆୟୋଜିତ ମହାକୁମ୍ଭରେ ବୁଡ଼ ପକାଇବା ପାଇଁ ବାଲେଶ୍ବର ଜିଲ୍ଲା ଭୋଗରାଇ ଅଞ୍ଚଳରୁ ବାହାରିଥିବା ଏକ ଘରୋଇ ତୀର୍ଥଯାତ୍ରୀ ବସ୍ ଦୁର୍ଘଟଣାର ସାମ୍ନା କରିବାରୁ ୩୫ ଜଣ ଶ୍ରଦ୍ଧାଳୁ ଆହତ ହୋଇଛନ୍ତି। ଆହତମାନଙ୍କର ମଧ୍ୟରେ ୩ ଜଣ ଗୁରୁତର ଥିବା ଜଣାପଡ଼ିଛି। ଗୁରୁତର ଯାତ୍ରୀମାନେ ହେଲେ ନଗୁଆଁର ରାଜକିଶୋର ସାହୁ, କୁକୁଡ଼ିଆର ସୁବାସ ବେହେରା ଏବଂ ଫୁଲବାଣୀର ବାପି ସାମଲ। ସମସ୍ତଙ୍କୁ ନିକଟସ୍ଥ ଏକ ଡାକ୍ତରଖାନାରେ ଭର୍ତ୍ତି କରାଯାଇଛି।
ବାଲେଶ୍ୱର ଚନ୍ଦନେଶ୍ୱରରୁ ବସ୍ଟି ପ୍ରୟାଗରାଜ ଯାଉଥିଲା। ବିହାର-ଉତ୍ତରପ୍ରଦେଶ ସୀମାନ୍ତ ମଥାନୀ ନିକଟରେ ବସ୍ଟି ଭାରସାମ୍ୟ ହରାଇ ବାଲି ବୋଝେଇ ଡମ୍ପରକୁ ପଛ ପଟୁ ଧକ୍କା ଦେଇଥିଲା। ସମ୍ଭବତଃ ବସ୍ର ଡ୍ରାଇଭରଙ୍କ ଆଖି ଲାଖି ଯିବାରୁ ସେଠାରେ ଅଟକିଥିବା ଏକ ବାଲିବୋଝେଇ ଡମ୍ପରକୁ ପଛପଟରୁ ଧକ୍କା ଦେବାରୁ ଏଭଳି ମର୍ମନ୍ତୁତ ଦୁର୍ଘଟଣା ଘଟିଥିଲା। ବସ୍ ଦୁର୍ଘଟଣାର ସାମ୍ନା କରିବା ବେଳକରୁ ରାତି ପ୍ରାୟ ୧ଟା ହୋଇଥିଲା। ଏହି ସମୟରେ ବସ୍ର ଅଧିକାଂଶ ଯାତ୍ରୀ ଶୋଇଥିଲେ। ଦୁର୍ଘଟଣା ପରେ ଶୋଇକି ଉଠିଲା ବେଳକୁ ଅନେକ ଯାତ୍ରୀ ଖଣ୍ଡିଆଖବରା ହୋଇସାରଥିଲେ।
Powered by Froala Editor
